UiB - Kunnskap som formar samfunnet
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.Video:
https://youtu.be/M5n6RnScNgA
Stipendiat mellombels
Ved Det medisinske fakultet, Klinisk institutt 2 er det ledig ei stilling som stipendiat (100 %). Stillinga er ledig for ein periode på tre (3) år.
Stillinga er knytt til prosjektet: DikomAb – Digital Precision Dosing of Monoclonal Antibodies in Cancer Treatment, finansiert av Haukeland universitetssjukehus og Universitetet i Bergen
Om prosjektet/arbeidsoppgåver
DikomAb skal utvikle og validere metodar for persontilpassa dosering av terapeutiske monoklonale antistoff i kreftbehandling. Prosjektet kombinerer målingar av legemiddelkonsentrasjonar med kliniske data og farmakokinetisk og farmakodynamisk modellering (PKPD).
Opplysningar om behandlingseffekt, biverknader og behandlingsbelastning skal hentast frå norskspråklege pasientjournalar, kvalitetssikrast og koplast til legemiddelkonsentrasjonar. Prosjektet vil òg undersøkje korleis digitale metodar og kunstig intelligens kan støtte dette arbeidet og gjere modellresultat forståelege for klinikarar.
Stipendiaten blir del av eit tverrfagleg forskingsmiljø med kompetanse innan farmasi, klinisk farmakologi, kreftbehandling, analytisk kjemi, modellering og digitale metodar. Prosjektet omfattar samarbeid mellom Universitetet i Bergen, sjukehus i Helse Vest og andre samarbeidspartnarar.
Arbeidsoppgåvene vil mellom anna vere å:
- lese og tolke norskspråklege journaldokument i DIPS ved Helse Bergen, identifisere kliniske opplysningar og vurdere medisinsk terminologi, forkortingar og språklege nyansar
- bruke Clinical Regex til å annotere journaldokument og kvalitetssikre annoteringar og resultat frå språkmodellar (LLM) mot originalteksten
- strukturere og kvalitetssikre kliniske data, også data som er henta ut med digitale metodar
- bearbeide og analysere legemiddelkonsentrasjonar og andre relevante pasientdata
- utvikle og evaluere PKPD-modellar og gjennomføre simuleringar av doseringsstrategiar
- tolke samanhengar mellom legemiddeleksponering og kliniske utfall
- samarbeide tett med klinikarar, farmasøytar og andre forskarar, og formidle resultat i vitskaplege publikasjonar og på konferansar
Kvalifikasjonar og eigenskapar
Søkjar må ha fullført mastergrad eller tilsvarande. Mastergrad i farmasi vil vere ein føremon, medan søkjarar med mastergrad i andre relevante fag (t.d. molekylærbiologi eller medisinsk teknologi) vil verte vurdert.
Søkjar må:
- ved søknadsfristen ha norskkunnskapar på minst nivå C1 etter Det felles europeiske rammeverket for språk (CEFR), både skriftleg og munnleg. Kravet er nødvendig for å kunne tolke norske journaldokument og kvalitetssikre annoteringar og uttrekk
- Søkarar med annan morsmål enn norsk, må dokumentere norskkunnskapane ved søknadsfristen med bestått begge delprøvar i Norskprøven C1 - høgare akademisk nivå. Norskkunnskapane vil òg bli vurderte i intervju.
- ha god skriftleg og munnleg engelsk, sjå dokumentasjonskrav
- kunne arbeide sjølvstendig og strukturert og ha gode samarbeidsevner
Det vil vere ein føremon med:
- kunnskap om farmakokinetikk, farmakodynamikk eller andre relevante farmakologiske prinsipp
- erfaring med kvantitativ analyse av biologiske eller farmakologiske data, til dømes konsentrasjonsrespons, kinetiske analysar, statistiske analysar eller modelltilpassing
- erfaring med analytiske metodar, laboratoriearbeid eller tolking av kvantitative måledata
- erfaring frå forsking, programmering, statistisk analyse eller modellering, til dømes i R, NONMEM eller tilsvarande verktøy
- erfaring med kliniske data, elektroniske pasientjournalar, helseinformatikk eller digitale metodar
Motivasjon for DikomAb og for å gjennomføre eit doktorgradsarbeid vil bli tillagt stor vekt i vurderinga av kvalifiserte søkjarar. Vi legg særleg vekt på fagleg nysgjerrigheit, evne til å lære nye metodar, initiativ, langsiktig arbeidsinnsats og vilje til å delta aktivt i eit tverrfagleg forskingsmiljø. Stillinga er på fulltid, og doktorgradsprosjektet skal vere hovudarbeidet gjennom tilsettingsperioden.
Personlege eigenskapar blir vektlagd ved vurderinga.
Søkjarar med utanlandsk utdanning må legge ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg leggje ved Direktoratet for høyere utdanning og kompetanse (HK-dir) si generelle vurdering om utdanninga (bachelor og master) samsvarar med norsk mastergrad. Sjå https://hkdir.no for meir informasjon om vurdering av høgare utdanning. Vi gjer merksam på at søknad om vurdering frå HK-dir kan ta tid og søknaden bør sendast så tidleg som mogleg når du veit du vil søkje stipendiat stillinga. Dersom du ikkje har fått svar innan søknadsfristen, legg du ved dokumentasjon frå HK-dir om at dei har mottatt søknaden din. Merk at den automatiske godkjenningsordninga til HK-dir ikkje er tilstrekkeleg. Søkjarar med nordisk utdanning, eller medisinutdanning frå EØS-området som har fått lisens til å arbeide som lege i Norge er unntatt kravet om HK-dir vurdering, sjå Opptakskrav | Det medisinske fakultet | UiB
Sjå også krav om dokumentasjon av engelsk-kunnskapar:
http://www.uib.no/med/115525/krav-til-engelskkunnskaper-ved-opptak-til-phd-programmet
For stillinga gjeldt følgande
Forskarutdanning (ph.d.-programmet):
Stilling som stipendiat har fullført forskarutdanning fram til doktorgrad som mål. Stipendiaten skal gå inn i eit godkjent opplegg for ein doktorgrad innafor ei tidsramme på 3 år, utan andre pålagte arbeidsoppgåver ved instituttet. Endeleg plan for gjennomføring av forskarutdanninga skal vere godkjent av fakultetet innan tre månader etter start i stillinga. Opptak i fakultetet sitt ph.d.-program er ein føresetnad for tilsetjing i stillinga.
Stipendiatstilling:
Stipendiatstillinga er ei åremålsstilling. Ingen kan vere tilsett som stipendiat i meir enn ein åremålsperiode ved same institusjon. Du kan heller ikkje tilsetjast i stipendiatstilling dersom du tidlegare har hatt slik tilsetjing ved ein annan institusjon i regionen. Undervisningsspråket er til vanleg norsk.
Vi tilbyr
Spanande og utviklande arbeidsoppgåver i eit sterkt fagmiljøLøn for tida kr 600 000 (kode 1017) i lønsregulativet til staten. For søkjarar med minst eitt års tilsetjing i lege- eller tannlegestilling er løn for tida kr 615 000 (For søkjarar som er autorisert som lege eller tannlege, må dokumentasjon på norsk autorisasjon leggjast ved søknaden). For søkjarar med spesialistutdanning er løna for tida kr 635 000 (For søkjarar som har spesialistutdanning, må det leggjast ved spesialistgodkjenning frå Helsedirektoratet.)Medlemsskap i Statens pensjonskasse Gode velferdsordningar
Søknaden skal innehalde
Ei kort utgreiing om søkjaren sine forskingsinteresser og motivasjon for å søkje stillingaKarakterutskrifter og vitnemål (all høgare utdanning) og relevante attestarSøkjarar med utanlandsk utdanning (bachelor og master) må leggje ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg leggje ved HK-dir si generelle vurdering om utdanninga samsvarar med norsk mastergrad. Sjå https://hkdir.no/ for meir informasjon om generell vurdering av høgare utdanning. Har du ikkje fått svar innan søknadsfristen, kan du leggje ved dokumentasjon frå HK-dir om at dei har mottatt søknaden din Dokumentasjon på engelsk-kunnskaparEi fullstendig liste over publikasjonar og eventuelle andre faglege arbeid du vil det skal takast omsyn tilEventuelle publikasjonar (pdf)To referansar (namn og kontaktinformasjon)
Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.
Generell informasjon
Nærare opplysingar om stillinga kan ein få ved å kontakte Trond Trætteberg Serkland, e-post: [email protected]
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.