Stipendiat ved Klinisk institutt 1

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.Video:

Stipendiat

Ved Det medisinske fakultet, Klinisk institutt 1, Senter for ernæring, er det ledig ei stilling som stipendiat (100 %) for ein periode på fire (4) år. Stillinga er knytt til prosjektet ” NutriCa65 ”, finansiert av EU programmet Horizon Europe og Universitetet i Bergen.
Stillinga er ledig for ein periode på fire (4) år med 25 % karrierefremmande, eller til maksimalt 4 månader etter fullført doktorgrad dersom graden er fullført før fire år. Karrierefremmande kan til dømes vere undervisning, eksamensarbeid eller rettleiing, alt etter behovet ved instituttet.

Om prosjektet/arbeidsoppgåver

Vere med på å gjennomføre to kliniske studiar med persontilpassa ernæringsbehandling for kreftpasientar, både ved Haukeland universitetssjukehus i Bergen og ved Københavns Universitetshospital, avdelingane Herlev og Gentofte Hospital. Dette inneber eit opphald i København på om lag 10 månader. Rekruttering og oppfølging av pasientar i studiane. Koordinering av kliniske studiar og samarbeid med studiepartnarar i EU.Analyse og publisering av studieresultat knytte til livskvalitet, ernæringsstatus og fysisk funksjon. Deltaking i fagforumet for kliniske ernæringsfysiologar (Dietitians’ Forum) i prosjektet NutriCa65 og utvikling av opplæringsmateriell i samarbeid med EFAD. Analyse av ein smarttelefonapplikasjon retta mot kreftpasientar

Kvalifikasjonar og eigenskapar

Søkjar må ha fullført mastergrad i klinisk ernæring og inneha autorisasjon som klinisk ernæringsfysiolog i Norge. Det er krav om kunnskaper på minimum C2 nivå. Arbeidserfaring som klinisk ernæringsfysiolog med kreftpasienter vil telje positivt. Erfaring med innsamling av antropometriske data og måling av energibehov med bruk av indirekte kalorimetri vil bli vektlagd.

Erfaring frå relevante forskingsprosjekt vil telje positivtDen som vert tilsett må kunne arbeide sjølvstendig og strukturert, og ha gode samarbeidsevner, Evne og motivasjon til å gjennomføre eit doktorgradsprosjekt  God skriftleg og munnleg norsk og engelsk, sjå dokumentasjonskrav for engelsk. Personlege eigenskapar blir vektlagd ved vurderinga.

Søkjarar med utanlandsk utdanning må leggje ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg leggje ved Direktoratet for høyere utdanning og kompetanse (HK-dir) si generelle vurdering om utdanninga (bachelor og master) samsvarar med norsk mastergrad. Sjå https://hkdir.no/ for meir informasjon om generell vurdering av høgare utdanning. Vi gjer merksam på at søknad om vurdering frå HK-dir kan ta tid og søknaden bør sendast så tidleg som mogleg når du veit du vil søkje stillinga. Dersom du ikkje har fått svar innan søknadsfristen, legg du ved dokumentasjon frå HK-dir om at dei har mottatt søknaden din. Merk at den automatiske godkjenningsordninga til HK-dir ikkje er tilstrekkeleg. Søkjarar med nordisk utdanning, eller medisinutdanning frå EØS-området som har fått lisens til å arbeide som lege i Norge er unntatt kravet om HK-dir vurdering, sjå Opptakskrav | Det medisinske fakultet | UiB

Sjå krav om engelsk-kunnskapar: http://www.uib.no/med/115525/krav-til-engelskkunnskaper-ved-opptak-til-phd-programmet

Forskarutdanning (Ph.d.-programmet)

Stilling som stipendiat har fullført forskarutdanning fram til doktorgrad som mål. Stipendiaten skal gå inn i eit godkjent opplegg for ein doktorgrad innafor ei tidsramme på 3 år, utan andre pålagde arbeidsoppgåver ved instituttet. Endeleg plan for gjennomføring av forskarutdanninga skal vere godkjent av fakultetet innan tre månader etter start i stillinga. Opptak i fakultetet sitt ph.d.-program er ein føresetnad for tilsetjing i stillinga.

Stipendiatstilling:

Stipendiatstillinga er ei åremålsstilling. Ingen kan vere tilsett som stipendiat i meir enn ein åremålsperiode ved same institusjon. Du kan heller ikkje tilsetjast i stipendiatstilling dersom du tidlegare har hatt slik tilsetjing ved ein annan institusjon i regionen. Undervisningsspråket er til vanleg norsk.

Vi tilbyr

Spanande og utviklande arbeidsoppgåver i eit sterkt fagmiljøLøn for tida kr 600 000 (kode 1017) i lønsregulativet til staten. For søkjarar med minst eitt års tilsetjing i lege- eller tannlegestilling er løn for tida kr 615 000 (For søkjarar som er autorisert som lege eller tannlege, må dokumentasjon på norsk autorisasjon leggjast ved søknaden). For søkjarar med spesialistutdanning er løna for tida kr 635 000 (For søkjarar som har spesialistutdanning, må det leggjast ved spesialistgodkjenning frå Helsedirektoratet.)Medlemsskap i Statens pensjonskasseGode velferdsordningar

Søknaden skal innehalde

Ei kort utgreiing om søkjaren sine forskingsinteresser og motivasjon for å søkje stillingaKarakterutskrifter og vitnemål (all høgare utdanning) og relevante attestarSøkjarar med utanlandsk utdanning (både bachelor og/eller master) må leggje ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg leggje ved HK-dir si generelle vurdering om utdanninga  (bachelor og master) samsvarar med norsk mastergrad. Sjå https://hkdir.no/ for meir informasjon om generell vurdering av høgare utdanning. Har du ikkje fått svar innan søknadsfristen, kan du leggje ved dokumentasjon frå HK-dir om at dei har mottatt søknaden din Dokumentasjon på engelsk-kunnskaparEi fullstendig liste over publikasjonar og eventuelle andre faglege arbeid du vil det skal takast omsyn tilEventuelle publikasjonar (pdf)To referansar (namn og kontaktinformasjon)

Generell informasjon

Nærare opplysingar om stillinga kan ein få ved å kontakte professor Jutta Dierkes e-post: [email protected] . For HR-relevante spørsmål ta kontakt med HR-rådgjevar HildeJohannessen e-post: Hilde.b.johannessen@uib.no

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.

Nærare om tilsettingsprosessen her.

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.Video: