Vertar (konsulent) knyttet til arrangementavvikling ved UiB

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.Video:

Konsulenter ved Arrangementskontoret

Ved Arrangementskontoret ved Universitetsdirektøren sitt kontor er det to ledige stillingar i 10 % som vertar knytt til gjennomføring av arrangement i våre lokale. Arrangementskontoret har følgjande arenaer i porteføljen sin: Universitetsaulaen i Bergen, UiB Læringsarena, Tårnsalen i Universitetsmuseet, Knut Fægris hus og Lønningen lystgard. Universitetsaulaen er ein viktig formidlingsarena for Universitetet og for Bergen, og huser ei rekkje profilerte arrangement som føredrag, seminar, konferansar, debattar, symposium, konsertar, mottakingar og middagar. Universitetet sitt kurs- og konferansesenter, UiB Læringsarena i Nygårdsgaten 5, har vorte svært populært og har høg aktivitet.

Kontoret er organisert som ein del av universitetsdirektøren sin stab og er lokalisert på Museplassen 1. Tenestene til Arrangementskontoret spenner frå prosjektleiing for årlege større arrangement til enklare tilrettelegging og rådgjeving for einingar som skal gjennomføre arrangement. Døme på faste arrangement som Arrangementskontoret har ansvar for, er doktorpromosjonane, prisutdelinga frå Meltzerfondet, Christiekonferansen og Barneuniversitetet. Kontoret har òg prosjektleiing for løpande arrangement som jubileum, opningar av bygg og andre seminar og konferansar.

Arbeidsoppgåver

Vertane skal vere vertskap for UiB ved arrangement i våre arenaer. Som vert representerer du Universitetet i Bergen og medverkar til at arrangørar, føredragshaldarar og gjester blir tekne imot på ein profesjonell og imøtekomande måte.

Som vert vil du mellom anna:

møte arrangør i god tid før arrangementet og bistå med praktiske førebuingarvere kontaktperson for arrangør under arrangementethalde oversikt over program og kjøreplanbistå med registrering, møblering og anna praktisk tilretteleggingfølgje opp leverandørar, til dømes cateringopne og stengje arenaenemedverke til at tryggleik og gode rutinar blir ivaretekne under arrangementet

All nødvendig opplæring vil bli gitt.

Arbeidet går hovudsakleg føre seg på dagtid, men det er òg til tider høg aktivitet på kveldstid og i helgar. I periodar med mindre arrangementsaktivitet kan det vere aktuelt med enklare administrative oppgåver ved Arrangementskontoret. Det kan òg vere aktuelt med vakter ved UiB-arrangement som blir gjennomførte utanfor Arrangementskontoret sine eigne arenaer.

Kvalifikasjonar og eigenskapar

Vi søkjer kandidatar som:

har fullført vidaregåande skulehar erfaring som arrangementsvert eller frå tilsvarande service- og vertskapsroller, gjerne innan kultursektoren, hotell-, eller konferanseverksemdhar erfaring med planlegging og koordinering av arrangement, gjerne gjennom frivillig arbeid eller organisasjonsarbeidhar god skriftleg og munnleg framstillingsevne på norsk 

Stillinga passar godt for studentar i starten av studieløpet som ønskjer relevant arbeidserfaring innan arrangementsgjennomføring og vertskap.

Personlege eigenskapar

serviceorientert og trivst i møte med menneskehar interesse for arrangementsgjennomføring og rolla som vertsamarbeider godt med andre, samstundes som du arbeider sjølvstendiger sjølvgåande og ser kva som må gjerasttek initiativ og bidreg til gode løysningarer komfortabel med å arbeide åleine når det er nødvendighandterer høgt tempo og uventa situasjonar på ein roleg og profesjonell måte

Det vil bli lagt stor vekt på personleg egnethet.

Vi tilbyr

Spennande og utviklande arbeidsoppgåver i et sterkt fagmiljøStilling som konsulent (kode 1065) i årsløn kr. [phone]  i det statlege lønsregulativet, avhengig av tenesteansiennitet og kvalifikasjonar. For særleg kvalifiserte søkjarar kan det vere aktuelt å vurdere høgare løn.Medlemskap i Statens pensjonskasse Gode velferdsordningar

Generell informasjon

Utfyllande opplysningar om stillinga kan ein får ved å vende seg til:  Leiar for Arrangementkontoret, Bente Krossøy, tlf.: [phone]/ [phone], e-post: [email protected]

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.