Vi treng fleire folk på laget vårt og har ledig stilling som spesialpedagog.
Stillinga inneheld 50% vikariat fram til 1.desember 2027, samt 50% fast stilling.
Vår visjon er: Alle kan, me hjelper deg fram.
I denne stillinga skal du samarbeide om tett oppfylging av elevar som har indivduelt tilrettelagt opplæring på AHT-avdelinga, eller for elevar på dei andre avdelingane som treng individuell tilrettelagt opplæring i skulen.
Det betyr at du vil ha ansvar for å lage individuelle opplæringsplanar for elevar, både for eigne timar og for oppgåver og aktivitetar som skal gjennomførast av fagarbeidarar. Til stillinga ligg det ansvar for opplæring i ADL-ferdigheiter og å delta i fysisk aktivitet inne og ute gjennom heile året.
Du må gjere deg kjent med tilretteleggingsbehovet for elevane, samt samarbeide med faglærarar, kontaktlærar og leiinga til beste for eleven og skulen. Du blir del av skulen sitt Pluss-Team, som bidreg med kartlegging, gir råd om tilpassa opplæring og gjennomfører tiltak retta mot enkeltelevar eller grupper i periodar.
Stillinga ligg til avdeling for tilrettelagt opplæring, men du må vere førebudd på å fylgje opp elevar på alle programområda skulen tilbyr.
Arbeidsoppgaver
Som spesialpedagog vil du:
Ha ansvar for planlegging og gjennomføring av individuelt tilrettelagt opplæring.Ha ansvar for å planlegge og gjennomføre opplæring i ADL-ferdigheiterKartlegge elevar i samarbeid med faglærar, Pluss-team og PPTPlanlegge tiltak for elevar som treng fagleg støtte, saman med faglærar, Pluss-team, PPT og skulen si leiing
Kvalifikasjoner (overskrift)
Utdanning:
Du må ha spesialpedagogisk utdanning eller forplikte deg til å ta slik utdanning
Det er ynskjeleg at du har undervisningskompetanse i realfag på vidaregåande nivå
Erfaring:
Du er ynskjeleg at du har erfaring med individuell tilrettelagt opplæring og/eller tilrettelagt arbeid for ungdommar eller vaksne personar
Det er ynskjeleg at du har erfaring frå grunnskule eller vidaregåande skule
Du bør:
Like å vere saman med ungdommarHa gode kommunikative ferdigheiter, og vere ein god lyttar og samtalepartnar Ha god relasjonskompetanse, gode samarbeidsevner og like å jobbe i teamVere løysingsorientert, fleksibel og tilpassingsdyktig, slik at du kan takle uføresette hendingar i skulekvardagenVere kreativ og nevenyttig, og like både praktisk arbeid og det å vere i fysisk aktivitet ute og inne til alle årstider
Personlege eigenskapar blir vektlagt.
Fylkeskommunen skal vere ein omstillingsdyktig organisasjon, og arbeidsgjevar tar atterhald om at arbeidsstad og arbeidsoppgåver kan bli endra ved behov.
Som del av laget vårt får du:
Spennande arbeidsoppgåver
Variasjon i arbeidskvardagen
Eit godt arbeidsmiljø
Offentleg tenestepensjon
I denne stillinga har du rett på ein av dei sikraste pensjonsordningane i landet: offentleg tenestepensjon. Der dei fleste tjenestepensjonar berre blir utbetalt i 10 år, er offentleg tenestepensjon ei utbetaling som varer frå den dagen du sluttar å arbeide - og livet ut! Pensjonen inkluderer og uføre- og etterlattepensjon dersom noko uventa skulle skje. Med pensjonsrett i SPK får du også medlemspris og gunstige vilkår på ei rekke bank-, forsikring- og spareprodukt. Du finn meir informasjon på heimesida til SPK (spk.no)
Om bedriften
Vest-Telemark vidaregåande skule ligg på Dalen i Tokke kommune og hentar elevar frå heile Vest-Telemark. Regionen byr på ei rik kulturhistorie, har eit innhaldsrikt kulturliv og storslått natur med rike tilhøve for friluftsaktivitetar.
Skulen har nært samarbeid med lokalt næringsliv og offentlege arbeidsplassar.
Elevar på Vest-Telemark vidaregåande skule kan velje mellom utdanningar innan Studiespesialisering, Helse- og oppvekst, Teknologi og industrifag, Elektro, og tilrettelagt opplæring. Skulen tilbyr også påbygg for studiekompetanse, kombinasjonsklasse for ungdomar som treng grunnskuleopplæring før vidaregåande, og har også eit tilbod om vekslingsmodell der elevar kan kombinere læretid og skule. Vidare er det høve til å bli sertifisert for Skuter klasse S ved skulen.