Kvinnheringen jaktar journalist

No har du sjansen til å bli ein del av laget i den største lokalavisa i Kvinnherad! Kvinnheringen skal dagleg servera spennande innhald som engasjerer og gjer folk klokare. Vi har som mål å levera kritisk, uavhengig og god journalistikk - derfor treng vi dei beste journalistane!

Vi ser etter ny journalist i 100 prosent stilling, som kan starta over nyttår.

Likar folk, er nysgjerrig, har teft for nyhende, og eit ønske om å engasjera og informera lesaraneHar digital kompetanse og kjennskap til fornuftig bruk av KIEr komfortabel med å skriva, fotografera og laga video med mobilenEr produktiv, idérik og trivst med stor variasjon i arbeidskvardagen og tidvis høgt tempoBeherskar nynorsk

Eit godt arbeidsmiljø med kjekke kollegaer, i vakre Kvinnherad der du blant anna kan få sletta studielån og få billig barnehageplassMykje fridom under ansvar, og sjansen til å påverka eigen arbeidskvardag i stor gradMobiltelefon og høve til trening i arbeidstidaTilgang på den beste teknologien og verktøya i bransjen gjennom eigaren vår Amedia, landets største utgivar av aviserGode sjansar for fagleg utvikling og kompetanseheving

Å jobba som journalist krev at du er allsidig, og vi treng journalistar med kompetanse og interesse for alt frå politikk og næringsliv til kultur og sport. Men vi vil gjerne vita meir om dei sterke sidene dine, så skriv gjerne kva du likar best å jobba med og om du har spesialkompetanse på nokre område. Vi legg vekt på digital kompetanse og relevant erfaring, og du må ha førarkort og disponera bil.

Synest du det verkar spennande å jobba med oss, send oss ein søknad med CV og referansar innan 15. november.

Om du ønskjer ein prat og litt meir informasjon, kontakt redaktør Mona Grønningen på [email protected], eller ring 99224355.

Du kan også kontakta NJ-leiar Marius Tveit Nissestad på [email protected] eller ring 48001295.