Leiar for oppvekst- og kultur

Som sektorleiar har du det overordna faglege ansvaret for oppvekst og kultur. Stillinga inngår i kommunedirektøren si leiargruppe og har ein sentral rolle i utviklinga av kommunen.

Til stillinga ligg ansvaret som kommunal barnehage- og skuleeigar. I tillegg har du ansvaret for kulturskule, bibliotek, førebuande opplæring for vaksne, norskopplæring for vaksne innvandrarar og drift av den kommunale ungdomsklubben. PPT og barnevern er ein del av sektoren gjennom interkommunalt samarbeid.

Oppvekst- og kultur området står framfor viktige utviklings- og omstillingsprosessar. Du skal setje retning, prioritere og sørge for at tenestene utviklar seg i tråd med måla og behov. Samtidig skal du bidra til god ressursbruk, høgkvalitet og godt samarbeid mellom tenestene. Det høyrer ikkje ein eigen stab til sektoren, og du må difor vere god på å arbeide på eiga hand, samstundes som du må samarbeide godt med barnehagestyrar, rektor, kulturskulerektor og biblioteksjef.

BTI (Betre tverrfagleg innsats) er eit viktig satsingsområde i Solund. Saman med leiar for helse- og omsorgssektoren og BTI-koordinatoren utgjer du prosjektgruppa i kommunen.

Leie og utvikle oppvekst- og kulturområdet med tydeleg retning og strukturUtvikle og støtte leiarane i sektorenFølgje opp og forbetre resultat innanfor læring, trivsel og kvalitetSikre god økonomistyring i sektorenStyrke samarbeidet på tvers av tenester og sektorarEnkeltvedtak etter barnehagelova og opplæringslova

Utarbeide saksframlegg til politisk nivå, og oppfølging av politiske vedtakBidra i ulike regionale samarbeid innanfor oppvekstfeltetAdministrator for ulike fagsystemPersonalansvar

Organisasjonen er i endring, og ansvarsområda og oppgåver kan endre seg etter kvart.

Utdanning på høgskule/universitetsnivå. Styrar-/rektorskule vil vere ein føremonDet vil bli lagt stor vekt på relevant erfaring og personlege eigenskapar ved tilsetjinga.Kjennskap til aktuell lovgiving, offentleg forvalting og forståing for kommunale prosessar.Leiarerfaring og praksis frå oppvekstsektoren er ein fordel.Evne til å legge til rette for ein open og tillitsfull dialog mellom ulike samarbeidsaktørar.