Vil du vere med og gjere utdanning mogleg?

LLånekassen

ØRSTAFast Publisert 15 dager sidenFrist 18. okt. 2026

FAKT+Spør Fakt+ om denne stillingen

Fakt om annonsen

Annonsekvalitet61/100Hvordan?

LønnAnslått 45 921 kr – 62 427 kr per måned

YrkeHva tjener en høyere saksbehandlere i offentlig og privat virksomhet?

HistorikkObservert i 15 dagerFørst observert 30. sep. 2026

Datasettet bak annonsen· 72 831 annonser i basen

fakt følger hele det norske arbeidsmarkedet annonse for annonse. Her er hvor mye innsamlet data som ligger bak nettopp denne stillingen.

Yrke602

Høyere saksbehandlere i offentlig og privat virksomhet · 140 aktive nå

Bransje4 027

Kontor og administrasjon · 668 aktive nå

Arbeidsgiver4

Lånekassen · 1 aktive nå

Hele basen: 72 831 stillingsannonser observert siden 11. august 2026, 13 166 aktive nå, 32 489 arbeidsgivere og 142 959 registrerte endringer i annonsene. Slik måler vi · Åpne data og API

Om stillingen

Kanskje har du sjølv eller nokon du kjenner, fått studiestøtte av Lånekassen? Dei fleste av søknadene vi får inn blir behandla automatisk, men nokre av dei må vurderast av ein av våre dyktige saksbehandlarar. No kan du bli ein av dei som behandlar søknader og svarer på spørsmål om lån, stipend og tilbakebetaling. Vi skal tilsette nye saksbehandlarar til kontoret vårt i Ørsta– har du lyst til å gjere utdanning mogleg?

Viktig å vite for deg som søker

Du treng ikkje skrive søknadsbrev når du søker på denne jobben.

Du vil få fleire spørsmål som du må svare på i søknadsportalen, og desse spørsmåla erstattar søknadsbrevet.

Det er også viktig at du fyller ut CV i søknadsportalen utfyllande, slik at vi får eit rett bilete av den erfaringa du har (du treng ikkje å laste opp CV som eige vedlegg).

Arbeidsoppgåver

Saksbehandling innanfor tildeling og tilbakebetaling av utdanningsstøtte.

Noko informasjon og rettleiing til kundar på telefon (andrelinje).

I Lånekassen har vi fleire typar stipend og lån, og ulike ordningar for dei som betaler tilbake på studiegjelda. Det gjer at vi har eit omfattande regelverk, som krev nøyaktige saksbehandlarar som klarer å sette saman informasjon og opplysingar frå kundane til å fatte riktige vedtak.

Vi tar atterhald om endringar i arbeids- og ansvarsområde.

Om deg

Vi trur du vil trivast best med oss om du er nøyaktig, strukturert og liker å jobbe med detaljar. Oppgåvene du handterer er ofte komplekse og krev derfor at du kan sette deg inn i eit omfattande regelverk, og heldigvis blir du ein del av eit fagleg sterkt miljø. Du arbeider sjølvstendig og tar ansvar for eigne oppgåver, men samarbeider også godt med andre når det er nødvendig. Du set deg raskt inn i både tekniske løysingar og endringar i regelverk, og kan omstille deg dersom det skulle oppstå situasjonar som krev det. Du er flink til å prioritere arbeidsoppgåver i ein hektisk arbeidskvardag.

Dette gjer deg kvalifisert til stillinga

Du må ha

høgare utdanning frå universitet eller høgskole på minimum bachelornivå

gode ferdigheiter i bruk av ulike IT-verktøy/program

god skriftleg og munnleg framstillingsevne på norsk

I tillegg ser vi etter deg som har

noko erfaring med saksbehandling og/eller administrative oppgåver

god kjennskap til utdanningssystemet i Noreg.

Vi legg vekt på personleg eigenskapar.

Kvifor skal du velje oss?

Vi har eit stort hjarte for samfunnsoppdraget om å gjere utdanning mogleg. Hos oss får du engasjerte og fagleg sterke kollegaer.

I Ørsta blir du ein del av eit sterkt fagmiljø som er svært opptatte av kundane våre. Vi held til i lyse og fine lokale i Ørsta Torg, med kort avstand til sentrum, kollektivtrafikk og parkeringsplassar. På huset har vi treningsrom, ideelt for dei som tar trimmen rett før eller etter arbeidstid. Vi er opptatte av arbeidsmiljø og har ein del sosiale aktivitetar. Vi er i dag 37 tilsette på Ørstakontoret.

Vi veit at ein god balanse mellom arbeid og fritid er viktig for at du skal trivast og yte ditt beste, og vi veit at livet har ulike fasar. Derfor legg vi til rette for ein fleksibel arbeidskvardag. Hos oss er du velkomen på kontoret kvar dag, men med moglegheit for å jobbe inntil to dagar i veka heimanfrå.

I tillegg kan vi tilby:

god opplæring og oppfølging med fadder

fleksibel arbeidstid og sommartid

moglegheit til 1 time trening i arbeidstida per veke

eit sosialt og hyggeleg arbeidsmiljø prega av trivsel og samarbeid

to prosent av løna di blir trekt for medlemskap i Statens pensjonskasse med gode forsikrings-, låne- og pensjonsordningar

Du vil bli tilsett som 1408 Førstekonsulent med lønsplassering frå [phone] kroner, avhengig av utdanning og erfaring.

Mangfaldig og inkluderande arbeidsliv
Vi er opptatte av at våre kollegaer representerer heile befolkninga, og oppfordrar derfor personar med innvandrarbakgrunn, nedsett funksjonsevne eller hol i CV-en til å søke. Du kan krysse av for dette i jobbsøkarportalen. Treng du tilrettelegging, ivaretar vi det.

Praktiske opplysningar
Du treng ikkje skrive søknadsbrev når du søker på denne jobben. Du vil få fleire spørsmål som du må svare på norsk i søknadsportalen, og desse spørsmåla erstattar søknadsbrevet. Du treng ikkje å legge ved CV som eige vedlegg, men det er viktig at du fyller ut CV i søknadsportalen utfyllande slik at vi får eit rett bilete av den erfaringa du har. Du må legge ved karakterutskrift og attestar elektronisk i søknaden. Dersom du har anna morsmål enn norsk, må du dokumentere at du har språknivå tilsvarande B2. Dette gjeld ikkje søkarar med eit skandinavisk språk som morsmål.

Om du ønsker å reservere deg frå oppføring på offentleg søkarliste, må du forklare dette i søknadsskjemaet. Opplysningane kan bli gjort offentlege sjølv om du har bedt om ikkje å bli ført opp på søkarlista, men du vil bli varsla dersom ønsket om reservasjon ikkje blir tatt til følge.