Vil du leia Ryfylkemuseet?
RRyfylkemuseetDatasettet bak annonsen· 73 346 annonser i basen
fakt følger hele det norske arbeidsmarkedet annonse for annonse. Her er hvor mye innsamlet data som ligger bak nettopp denne stillingen.
Hele basen: 73 346 stillingsannonser observert siden 11. august 2026, 13 575 aktive nå, 32 710 arbeidsgivere og 144 094 registrerte endringer i annonsene. Slik måler vi · Åpne data og API
Vil du leia eit museum som tek vare på kulturarven i Ryfylke og gjer han levande for nye generasjonar? Ryfylkemuseet søkjer no etter dagleg leiar.
Ryfylkemuseet tek vare på kulturminne, bygningar, gjenstandar og historier frå heile regionen. Me driv aktiv formidling og forsking, og er ein møteplass for både lokalbefolkning og tilreisande. Med eit rikt grunnlag og spennande vekstpotensial søkjer Ryfylkemuseet ein dagleg leiar som vil utvikla museet gjennom aktuelle utstillingar, nyskapande formidling og faglege prosjekt. Som dagleg leiar får du høve til å vidareutvikla museet sitt samfunnsoppdrag og sikra at kunnskapen og kulturarven vår blir tilgjengeleg og relevant for fleire.
Sentrale arbeidsoppgåver
Som dagleg leiar er du øvste leiar for museet, med ansvar for både drift, fagleg utvikling og økonomi.
Du skal:
Utvikla og følgja opp planverk og faglege satsingar
Representera museet i dialog med kommunar, institusjonar, lag og publikum
Leia organisasjonen og følgja opp dei tilsette
Sikra økonomistyring, budsjettering og årsrekneskap
Rapportera til styret og tilskotsgivarar
Stillinga inneber noko reiseverksemd i regionen og krev førarkort
Kvalifikasjonar
Me ønskjer ein leiar som kombinerer gjennomføringsevne med evne til å engasjera og samla andre.
Du har gjerne erfaring frå museum eller kulturfeltet, men me er òg opne for annan relevant bakgrunn.
Me ser etter deg som:
Har dokumentert leiarerfaring og resultat
Har høgare utdanning innan relevante fag
Har solid økonomiforståing og erfaring med styring
Samarbeider godt, men tek òg tydelege avgjerder
Kommuniserer klart, både skriftleg og munnleg
Har evne til å gjera museet synleg og relevant for fleire
Me tilbyr
Eit viktig samfunnsoppdrag i ein sentral kulturinstitusjon
Høve til fagleg og personleg utvikling
Eit engasjert og kompetent arbeidsmiljø
Fleksibel arbeidstid og medlemskap i KLP
Kontor med utsyn mot fjord og fjell
Me ønskjer at dagleg leiar bur i regionen, og kan tilby praktisk hjelp i samband med flytting.
Send søknad innan 26.10.26. Søknad skal sendast til
[email protected]
.
Har du spørsmål om museet eller stillinga, er du velkomen til å kontakta styreleiar Berit Søvik Østerhus på telefon 977 55 303 eller konsulent Robert Helland-Olsen på telefon 908 40 778.
Meir informasjon finn du òg her: https://ryfylkemuseet.no
Om bedriften
Ryfylkemuseet er eit kulturhistorisk museum som består av 20 unike kulturdestinasjonar.
Me har samlingar og anlegg i og frå heile Ryfylke-regionen, og tek vare på rundt 80 bygningar med historisk verdi.
Museet har hovudsete og kontorstad på Sand i Suldal.
Formålet til Ryfylkemuseet er å vera ein inkluderande møtestad for kunnskap og opplevingar knytte til kulturarven vår, og ein samfunnsaktør som bidreg til positiv bygdeutvikling.
Museet har fleire fagavdelingar som skal ivareta den museale verksemda.
Sektor
Offentlig
Nettsted
Annonsehistorikk (2 øyeblikksbilder)
Først observert av fakt: 30. sep. 2026. Kilden oppgir publisert 02. okt. 2026.
1 endring i 2 øyeblikksbilder.
Alle gjelder bare annonseteksten: fakt lagrer at teksten ble endret, men publiserer ikke den tidligere teksten.
- 30. sep. 2026
- Beskrivelse endretannonseteksten ble endret — tidligere tekst vises ikke
Hvert enkelt øyeblikksbilde med dato og innhold vises for innloggede medlemmer.