100% vikariat som fagleiar ved Omsorgstenesten vest, Utneheimen

Ledig 100 % vikariat som fagleiar ved Omsorgstenesten vest, Utneheimen

Arbeidsstad: Utne

Pleie og omsorg vest er stasjonert på Utne og er ei samordna teneste. Samordna tenester vil seie at me driftar både sjukeheim, heimetenester, dagtilbod og kjøkken.

Sjukeheimen vår består av 24 plassar, 6 av dei er tilrettelagt  for personar med demenssjukdom, og 2 er kortidsplassar. I heimetenesta yter me ulike tenester til om lag 75 pasienter.

Ein gong i veka har me dagtilbod, då kjem heimebuande som har vedtak på denne tenesta til sjukeheimen, får god mat , har sosialt samvær og ulike aktivitetar. 
På kjøkkenet lager dei god mat til pasientane på sjukeheimen ,og til nokre  pasientar som bur heime.

Personalet som arbeider i Omsorgstenesta vest kan få oppgåver både på institusjonen og i heimetenesta.

Me har eit fleirkulturelt miljø, og tenestene me utfører er mange og ulike.

Så me har ein innhaldsrik og spennande arbeidskvardag . Me er opptatt av at kvar enkelt pasient skal få gode tenester ,  tenester som er tilpassa kvar enkelt.

No har fagleiaren vår eit års permisjon frå stillinga si , og me treng ein kunnskapsrik, endringsdyktig, og positiv vikar i perioden snarast - 27.08.27

Dersom dette høyrest interessant ut, håper me at du søkjer . Ta gjerne kontakt for ein uforpliktende prat.

God opplæring vert gitt .

Ha oversikt over hjelpebehovet til pasientane i heile tenesta 

Ekstra ansvar for at me har oppdaterte og utfyllande dokumentasjon i journalsystemet vårt - Aidn

Ekstra ansvar for oversikt over at ulike arbeidsoppgåver vert utført

Ekstra ansvar for at IPLOS er oppdatert 

Kjenne til og og bruka eininga sine prosedyrar og rutinar, og vere med å lage  og oppdatere desse

Tett samarbeid med pårørande 

Bidra i arbeidet med opplæring av nytilsette

Oppfølging etter legevisitt

Legemiddelhåndtering og opplæring

Narkotikakontroll

Halde seg fagleg oppdatert

Utføra helse - og omsorgsoppgåver etter fagleg standard, og rettleia anna personale i faglege og etiske spørsmål 

Følgje  eininga og avdelinga sine målsetjingar og yte tenester av god kvalitet innafor tildelte ressursrammer i samsvar med tenestemottakar sine vedtak

Samarbeide og dela kompetanse på tvers av avdelingane

Vere med i arbeidet  vårt med å nytte musikkbasert miljøbehandling

Autorisasjon som sjukepleiar

Gode digitale ferdigheiter

Leiarutdanning evt erfaring er ein fordel, men ikkje eit krav