Er du vår nye overlege innan medisinsk mikrobiologi? No styrkar vi teamet vårt og auker opp til 3 overlegestillingar. Vi søkjer deg som har interesse for fagutvikling og teamarbeid. Legar under siste del av spesialisering er oppmoda til å vise interesse.
Medisinsk mikrobiologi er ein del av Avdeling for laboratoriemedisin i Helse Fonna. Medisinsk mikrobiologi flytta i 2021 inn i nye og moderne lokaler, og er ein triveleg arbeidsplass med eit godt arbeidsmiljø og totalt 14 tilsette i drift, samt 2 overlegar pr dags dato. Vi har tatt i bruk ny avansert teknologi med stor grad av automasjon og digitale løsninger, og er i stadig utvikling.
Haugesund er ein by du kan oppleve noko av det beste Noreg har å by på. Regionen strekk seg frå det opne havet i vest til fjord- og fjellandskapet i aust. Her finn du både fjord, foss, fjell, idyllisk øysamfunn og ei unik vikinghistorie.
Byen har eit rikt liv med fleire festivalar og moglegheit for aktiviteter som dykking, sandvolley og surfing.
Haugesund ligg sentralt mellom Bergen og Stavanger og det er god transport mellom byane.
Kva går jobben ut på?
Utføre medisinskfaglege oppgåver innan medisinsk mikrobiologiArbeide med driftsoppgåver, hovudsakleg innan bakteriologi og molekylærbiologiDelta i planlegging og gjennomføring av driftsoppgåver knytte til nye tenestetilbod, metodar og utstyr
Kva kompetanse er viktig i denne rolla?
Norsk autorisasjon som lege og spesialistgodkjenning i medisinsk mikrobiologi innan dato for tiltreding
Søkjar må ha relevant sjukehuserfaring
Søkjar må beherske norsk eller skandinavisk, skriftleg og munnleg, på høgt nivå
Kva ser vi etter hos deg?
Hos oss er det viktig at du:
bidreg til eit godt fagleg og sosialt arbeidsmiljøhar god fagleg vurderingsevne og arbeider målretta og strukturerter trygg i faglege vurderingar og møter andre med respektsamarbeider godt med kollegaer og andre faggrupperhar god arbeidskapasitet og handterer periodar med høgt arbeidspress
Vi legg vekt på personlege eigenskapar.
Kvifor skal du velje oss?
Eit fagmiljø i utvikling og som blir satsa på i dei åra som kjem
Samarbeid med klinikarar og andre fagspesialistar
Eit godt arbeidsmiljø
Medlemskap i pensjonsordning, 2% pensjonstrekk, yrkesskade forsikring, gruppelivsforsikring og tenestereiseforsikring
Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.
Om bedriften
Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.
Helse Fonna ønsker så langt som råd å avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
For å bli betre kjend med oss, kan du sjå her www.helse-fonna.no.