UiB - Kunnskap som formar samfunnet
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.Video:
https://youtu.be/M5n6RnScNgA
Universitetslektor (mellombels) i digital kultur
Vi søkjer ein engasjert og fagleg sterk kandidat til ei mellombels 50 % stilling som universitetslektor i digital kultur ved Institutt for lingvistiske, litterære og estetiske studium. Stillinga har planlagd oppstart 1. januar 2027 og har varigheit til og med 30. juni 2027.
Om instituttet
Institutt for lingvistiske, litterære og estetiske studium (LLE) har kring 80 vitskapleg tilsette, 20 administrativt tilsette, 35 ph.d.-kandidatar og 13 postdoktorar. Instituttet femner om faga allmenn litteraturvitskap, digital kultur, klassiske studium, kunsthistorie, nordisk litteratur, nordisk språkvitskap, nordisk fagdidaktikk, norrøn filologi, norsk som andrespråk, allmenn språkvitskap og teatervitskap. Bokmålsordboka, Nynorskordboka og Norsk Ordbok blir redigerte ved LLE, og instituttet er vertskap for Senter for digitale forteljingar, Fagspråksenteret og den nasjonale språkinfrastrukturen Clarino.
Av dei fast tilsette ved LLE arbeider for tida 8 innanfor faget digital kultur. I tillegg er det 8 stipendiatar og 8 postdoktorar i disiplinen.
Arbeidsoppgåver
I stillinga vil du mellom anna ha ansvar for:
Undervisning og undervisningsrelatert arbeid innan fagområdet digital kultur. Rettleiing, sensur og oppfølging av studentar. Undervisnings-, rettleiings- og sensuroppgåver innan eige kompetanseområde i andre program eller ved andre institutt kan verte aktuelt. Administrative oppgåver ved instituttet.
Digital kultur vert undervist på engelsk og norsk.
Kvalifikasjonar og personlege eigenskapar
Søkjaren må ha:
Norsk mastergrad eller tilsvarande innan digital kultur eller eit anna relevant fag.Relevant yrkes- eller undervisingserfaring.
Det er ein føremon med:
Erfaring med bruk av digitale verktøy i undervisninga.Gjennomført innføringskurs i universitetspedagogikk.Ferdigheiter i norsk eller eit anna skandinavisk språk på nivå B2.
Det blir lagt vekt på evne til å kombinere sjølvstendig arbeid med godt samarbeid, og til å engasjere studentar i læringsprosessen. Det blir òg lagt vekt på dei personlege eigenskapane til søkjaren og at vedkomande er personleg eigna for stillinga.
Tilsetjing i stillinga krev at ein har arbeidsplass ved Universitetet i Bergen tilsvarande stillingsprosenten, og at ein følger gjeldande retningslinjer.
Hos oss får du
Eit godt og fagleg utfordrande arbeidsmiljø. Høve til å byggje sterke faglege nettverk. Ein trygg og fleksibel arbeidskvardag med gode velferdsordningar.Ein arbeidsstad i hjartet av Bergen – nær både byliv og natur. Løn som universitetslektor (stillingskode 1009), som for tida svarar til ei brutto årsløn på kr 653 000 – 693 000 i full stilling. For særleg kvalifiserte søkjarar kan det bli aktuelt å vurdere. Vidare lønsopprykk skjer etter ansiennitet i stillinga. Medlemskap i Statens pensjonskasse, som inneber ei trygg tenestepensjonsordning, moglegheit for uføre- og etterlatnepensjon, og tilgang til gunstige bustadlån.
Slik søkjer du stillinga
Søknaden skal sendast elektronisk via lenkja «SØK STILLINGA» på denne sida. Følg stega i søknadsprosessen og legg inn følgjande:
Under «Søknadstekst»: Skriv ei kort utgreiing om motivasjonen din for å søkje stillinga. Under «CV», oppgi:Personalia. Erfaringar og kvalifikasjonar (fyll inn i dei seksjonane som er relevante for deg). Publikasjonar/vitskaplege produksjonar kan leggjast ved som eit separat dokument dersom ønskjeleg (publikasjonsliste). Språkferdigheiter. Minst to referansepersonar. Personar som kan vurdere undervisningsarbeid og pedagogiske kvalifikasjonar vil vere særleg relevante.
Under «Vedlegg» skal du laste følgjande opp som separate dokument:Dokumentasjon av pedagogiske kvalifikasjonar (utdanning, undervisningspraksis eller anna relevant pedagogisk erfaring). Vitnemål som dokumenterer fullførte grader (skal lastast opp frå Vitnemålsportalen, eller skanna versjon av originalar/rettkjende kopiar av alle vitnemål frå høgare utdanning) og relevante attestar. Eventuelle evalueringsrapportar eller anna tilbakemelding på eiga undervisning. Liste over eventuelle vitskaplege publikasjonar. Inntil fem vitskaplege arbeid.
Søknad og vedlegg må vere på norsk, eit anna skandinavisk språk eller engelsk. Dokumentasjon på andre språk må følgjast av attestert omsetjing. Vedlegga kan vere i Word- eller PDF-format, og må lastast opp i Jobbnorge innan søknadsfristen.
Aktuelle søkjarar vil bli inviterte til intervju.
Nærare om tilsetjingsprosessen her.
Generell informasjon
Utfyllande opplysningar om stillinga kan ein få ved å kontakte fungerende instituttleiar Anders Gullestad, e-post: [email protected], telefon: +[phone], eller førsteamanuensis David Wright, e-post: [email protected], telefon: +[phone].
Spørsmål om den elektroniske søknadsprosessen kan rettast til Det humanistiske fakultet på e-post: [email protected].
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.