Førsteamanuensis/ førstelektor/ høgskulelektor i helse- og omsorgsvitskap innan sjukepleie

Ved Høgskulen på Vestlandet (HVL)er det ledig inntil to 100 % faste stillingar som førsteamanuensis /førstelektor / høgskulelektor i helse- og omsorgsvitskap innan sjukepleie, ved Fakultet for helse-og sosialvitskap – campus Stord

Stillingane er knytt til Institutt for helse- og omsorgsvitskap innan fagområdet sjukepleie.

Arbeidsplassen er ved Campus Stord.

Tilsetjing i stillingane er frå 01.01.2027 eller etter nærare avtale.

Ansvars- og arbeidsområde

Undervisning, rettleiing og evaluering innan fagområde sjukepleie ved  bachelorutdanninga for sjukepleiarar og vidareutdanningar og masterprogram innan helsefag, samt innan forskingsprofilane ved fakultetetRettleiing og oppfølging av studentar innan relevante fagområde, både i teori og praksisstudiar, samt sensur og anna vurderingsarbeidBidra til forsking knytt til studieprogramma på fagområdet, og innan fakultetet sine forskingsprofilarBidra i dei ulike faglege institusjonsbyggjande oppgåvene, som til dømes studiekoordinering, emneansvar og utvikling av forskingsgruppeneForskings- og utviklingsarbeid med relevans for fagområdet Delta i utviklinga av nye, relevante forskingsprosjekt, og utarbeide søknadar om ekstern finansiering saman med kollegaer i fagmiljøetSamarbeide om utdanning og forsking internt i høgskulen og med nasjonale og internasjonale samarbeidspartnarar

Kvalifikasjonar

Kriterier for tilsetting i stilling som førsteamanuensis/førstelektor/ høgskulelektor går fram av Forskrift til universitets- og høyskoleloven 

For å innfri kvalifikasjonskrav til førsteamanuensis vert det kravd minst:

a. doktorgrad innan relevant fagområde, eller kompetanse på tilsvarande nivå dokumentert ved vitskapleg arbeid av same omfang og kvalitet

b. utdanningsfagleg kompetanse

For å innfri kvalifikasjonskrav til førstelektor vert det kravd minst:

a. høgare grads eksamen eller tilsvarande innan relevant fagområde

b. utdanningsfagleg kompetanse

c. relevant yrkes- eller undervisningserfaring

d. bidrag til fagleg utviklingsarbeid på høgt nivå, i samsvar med internasjonale eller nasjonale standarder innan fagområdet/yrkesfeltet

For å innfri kvalifikasjonskrav til høgskulelektor vert det kravd minst:

a. høgare grads eksamen eller tilsvarande innan relevant fagområde

b. utdanningsfagleg kompetanse

c. relevant yrkes- eller undervisningserfaring

For alle vert det kravd:

Norsk autorisasjon som sjukepleiarRelevant klinisk erfaring og praksisnær kompetanse relatert til akutt, kronisk og/eller kritisk syke og geriatri. Anna relevant erfaring vil òg bli vurdert.Relevant vitskapleg kompetanse innan aktuelt fagområdeGod munnleg og skriftleg framstillingsevne på norsk eller skandinavisk språk i tillegg til engelsk God IT-kompetanse

Ønska kvalifikasjonar

Erfaring med undervisning og rettleiing i høgare utdanningErfaring med internasjonalt samarbeid og/eller arbeidserfaringInteresse for og/ eller erfaring med studentaktive undervisningsformer, simulering, digitale undervisningsformer og internasjonaliseringsarbeidInteresse for og/eller erfaring med pedagogisk utviklingsarbeidFortrinnsvis karakteren A eller B på masteroppgåvaDet er ønskjeleg med erfaring frå relevante forskings- og utviklingsprosjekt

Personlege eigenskapar:

Sjølvstendig og ansvarlegPositiv innstilling og god evne til å samarbeide med både studentar og kollegaerGod evne til formidlingEngasjement og interesse for fagleg utvikling

Utdanningsfagleg kompetanse dokumenterast med ei pedagogisk mappe og ein pedagogisk CV i tråd med Kvalifikasjonskrav til utdanningsfaglig basiskompetanse for ansettelse, opprykk og overgang ved HVL - Høgskulen på Vestlandet. 

Søkjarar som ved tilsetting ikkje fyller krava, må fylle dei innan to år.

Korleis søke på stillinga?

Send søknad og CV ved å klikke på knappen merka ”Søk stillinga” på denne sida.

Vi gjer merksam på at søknaden blir vurdert ut frå den informasjonen som ved søknadsfristen er lagt inn i www.jobbnorge.no. Det er søkjaren sitt ansvar å sørgje for at alle relevante vedlegg er lagt inn innan fristen, irekna:

vitskaplege arbeid (inntil 15 stk.)fullstendig publikasjonslisteattestar og vitnemåldokumentasjon på utdanningsfagleg kompetanse. Utdanningsfagleg kompetanse dokumenterast med ei pedagogisk mappe og ein pedagogisk CV i tråd med Kvalifikasjonskrav til utdanningsfaglig basiskompetanse for ansettelse, opprykk og overgang ved HVL - Høgskulen på Vestlandet. 

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjaren sjølv laste opp attesterte omsettingar. Om vedlegga overstig 50 MB må dei komprimerast før opplasting eller leggjast ved som lenke.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.

Søknadane vert sendt elektronisk til det sakkunnige utvalet. På bakgrunn av utvalet si vurdering, vil aktuelle søkjarar bli kalla inn til intervju og prøveundervisning. Søknadar kan ikkje sendast på e-post til enkeltpersonar ved høgskulen.

Vi tilbyr

Gode pensjons-, forsikrings-, og låneordningar i Statens pensjonskasseSpennande fagmiljø med moglegheit for kompetanseheving- og utviklingHøve for trening i arbeidstida

Stillinga som førsteamanuensis/førstelektor/høgskulelektor er lønna etter Statens lønsregulativ,                           i stillingskode 1011 førsteamanuensis/1198 førstelektor/1008 høgskulelektor.

Frå løna blir det trekt 2 % innskot til Statens pensjonskasse.

Generell informasjon

Vi gjer merksam på at i tråd med offentleglova, kan opplysningar om søkjaren bli gjort offentleg sjølv om søkjaren har bede om å ikkje bli oppført på søkjarlista. Søkjaren vil bli varsla dersom førespurnad om unntak for offentleggjering ikkje vert teken til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er av den grunn eit personalpolitisk mål å oppnå ei balansert alders- og kjønnssamansetting og å rekruttere personar med minoritetsbakgrunn, nedsett funksjonsevne og hol i CV.

Høgskulen på Vestlandet er underlagt forskrift for eksportkontrollsystem. Forskriften kan komme til anvending i behandlingen av søknadane.

Kontaktpersonar ved Høgskulen på Vestlandet

1) Assisterande instituttleiar Solveig Laukhammer,           tlf. 92 24 03 86

2) Instituttleiar Kristina Johannessen Tolås                  tlf. 53 49 13 99

Om bedriften