ID 2484 Dagleg leiar - Sunnhordland interkommunale legevakt IKS
SHSTORD KOMMUNE HEIMEBASERTE TENESTER OMRÅDE SENTRUMDatasettet bak annonsen· 73 138 annonser i basen
fakt følger hele det norske arbeidsmarkedet annonse for annonse. Her er hvor mye innsamlet data som ligger bak nettopp denne stillingen.
Hele basen: 73 138 stillingsannonser observert siden 11. august 2026, 13 420 aktive nå, 32 612 arbeidsgivere og 143 687 registrerte endringer i annonsene. Slik måler vi · Åpne data og API
Sunnhordland interkommunale legevakt IKS driftar legevaktfunksjon for kommunane Fitjar, Bømlo og Stord med samla om lag 35 000 innbyggjarar. SIL er òg legevaktsentral for kommunane Kvinnherad og Tysnes. SIL driftar interkommunal døgnavdeling (IDA) med ni senger. Legevakta held til i lokale ved Stord sjukehus. Dagleg leiar rapporterer til styret for selskapet. Selskapet har om lag 65 tilsette og eit årleg driftsbudsjett på om lag 35 mill. kr.
**Me søkjer ein trygg, tydeleg og utviklingsorientert leiar til Sunnhordland interkommunale legevakt IKS.**Oppstart etter avtale.
Som leiar får du ansvar for drift og strategisk utvikling av tenesta og selskapet. Saman med kompetente og engasjerte medarbeidarar skal du sikra at innbyggarane får legevakt- og akuttenester med høg fagleg kvalitet og god tilgjengelegheit.
Arbeidsoppgåver
Som leiar skal du:
leia og vidareutvikla tenestene som er knytt til selskapet
ha det overordna ansvaret for drift, økonomistyring, personalleiing
leia og vidareutvikla arbeidet med HMS, kvalitets- og forbetringsarbeid
legga til rette for fagutvikling og kompetanseutvikling blant medarbeidarane
samarbeide tett med styret og eigarkommunane om strategi, drift og framtidig utvikling, Vera ein tydeleg pådrivar i strategi- og utviklingsarbeid
sikre at verksemda vert driven i samsvar med vedtekne rammer, gjeldande lovverk, forskrifter og faglege retningsliner
Kvalifikasjonar
Me ser etter deg som har:
relevant høgare helsefagleg utdanning
erfaring frå helse- og omsorgstenesta
leiarutdanning og/eller leiarerfaring frå offentleg og/eller privat verksemd
god kjennskap til akuttmedisin og den akuttmedisinske kjeda
kunnskap om relevant lovverk
God digital dugleik og evne til å ta i bruk nye system som del av utviklinga av selskapet
Personlege eigenskapar
God gjennomføringsevne og skapar resultat gjennom målretta og strategisk arbeid
Gode relasjonelle ferdigheiter og evne til å byggje tillit både internt og eksternt
God arbeidskapasitet og evne til å prioritera og styra ressursar
Evne til å bygge lag, fremje samarbeid og stimulere til fagleg utvikling
Me legg stor vekt på personlege eigenskapar samt motivasjon for og evne til å leia endringsarbeid.
Me tilbyr:
ei sentral leiarstilling med stor påverknad på utviklinga av selskapet
sjølvstendige og varierte arbeidsoppgåver
høve til å utvikle både organisasjonen og deg sjølv som leiar
eit sterkt og tverrfagleg fagmiljø med vekt på kvalitet og utvikling
eit breitt samarbeid med kommunar, sjukehus og andre beredskapsaktørar
løn og arbeidsvilkår etter avtale
I denne stillinga har du rett på ei av Noregs sikraste pensjonsordningar: offentleg tenestepensjon. Der dei fleste tenestepensjoner kun vert utbetalt i 10 år, er offentleg tenestepensjon ei utbetaling som gjeld frå den dagen du slutter å jobbe og livet ut. Pensjonen inkluderer og uføre- og etterlatnepensjon om noko uventa skulle skje.
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.
Har du spørsmål om stillinga, kan du kontakta:
styreleiar, Anne Karin Fossdal, telefon [phone] eller nestleiar Anne Økland, telefon [phone].
Annonsehistorikk (2 øyeblikksbilder)
Først observert av fakt: 01. okt. 2026. Kilden oppgir publisert 01. okt. 2026.
Ingen endringer registrert siden første observasjon.
Hvert enkelt øyeblikksbilde med dato og innhold vises for innloggede medlemmer.