Tenesteleiar for helsestasjonen i Sogndal

Gode oppvekstvilkår vert skapte når barn og unge opplever meistring, tilhøyrsle og tryggleik, og får støtta dei treng når dei treng det. I Sogndal kommune arbeider me kvar dag for å gje gode og likeverdige tenester som fremjar psykisk og fysisk helse og førebyggjer utanforskap.

No søkjer me leiar for helsestasjonen. Du får ansvar for å leie og vidareutvikle ei sentral teneste i det førebyggjande og helsefremjande arbeidet for barn og unge, samstundes som du får ei viktig rolle i utviklinga av oppvekstsektoren i kommunen.

Du vert ein del av eit tverrfagleg leiarteam som saman arbeider for å gje best mogleg oppvekstvilkår for barn og unge. Gjennom samspel, felles ansvar og deling av kompetanse skal me utvikle heilskaplege og inkluderande tenester som er tilpassa behova til barn, unge og familiar.

Sogndal kommune har ambisjonar om å vere blant dei beste kommunane i landet på oppvekst. Me ser difor etter ein leiar som ønskjer å utvikle helsestasjonstenestene spesielt og oppvekstsektoren generelt.

Hjå oss møter du dyktige medarbeidarar, sterke fagmiljø og ei kommuneleiing med høge ambisjonar på vegner av barn og unge.

Som leiar for helsestasjonen skal du:

Ha fag-, personal- og budsjettansvarLeie og vidareutvikle helsestasjon- og skulehelsetenesta, samt barn, unge og familiestøtteSikre likeverdige, samordna og kunnskapsbaserte tenester med høg kvalitetVere ein pådrivar for tidleg innsats, førebygging og helsefremjande arbeidBidra til at barn og unge si stemme vert høyrd i utviklinga av tenesteneBidra til sektoren sitt utviklings- og kvalitetsarbeid gjennom å følgje opp vedtekne satsingar og prioriteringarStyrkje det tverrfaglege samarbeidet for barn og unge og familiane deira, både internt og eksternt, mellom anna gjennom å vidareutvikle arenaer og ein delingskultur for samhandling i sektoren og på tvers av sektorarTa i bruk nye teknologiske løysingar som styrkjer samarbeid, kvalitet og tenesteutviklingSikre systematisk internkontroll og ansvarleg drift i tråd med lovverk, budsjett og politiske vedtak

Me søkjer deg som har:

Offentleg godkjenning som helsesjukepleiarGod skriftleg og munnleg framstillingsevne på norskGod kjennskap til relevant lov- og avtaleverkErfaring frå arbeid med barn, unge og familiarFørarkort klasse b

Det er ønskjeleg at du har anten mastergrad innan helsefag eller leiing, eller erfaring med leiing og utviklingsarbeid.

Me ser etter ein leiar som samarbeider og kommuniserer godt, byggjer tillit og skaper gode relasjonar. Du har fagleg engasjement og utviklingsvilje, og arbeider systematisk og målretta med utvikling og kvalitetsforbetring.

Du må evne å organisere, prioritere og gjennomføre naudsynte endringar. Du har erfaring med og forståing for tverrfagleg arbeid, tidleg innsats, førebyggjande arbeid og helsefremjande arbeid for barn og unge. Som leiar skal du òg kunne motivere medarbeidarar og bidra til å utvikle sterke fagmiljø.

Løn etter kvalifikasjonar og avtaleGode pensjons- og forsikringsordningar
fleksibel arbeidstidEit godt arbeidsmiljø med engasjerte og kompetente kollegaerHøve til å påverke utviklinga av tenestene for barn og unge i kommunen

Den statlege ordninga med sletting av studiegjeld med kr. 25.000 i året kan vere aktuell for deg som har bustadadresse og er yrkesaktiv i Sogndal kommune. Sjå Lånekassen.no for meir informasjon om kvalifisering.

Me ønskjer eit arbeidsmiljø prega av mangfald, og at våre tilsette skal spegle folkesetnaden elles. Me oppfordrar alle kvalifiserte kandidatar til å søkje, uavhengig av alder, funksjonsevne, kjønn eller minoritetsbakgrunn. Me legg til rette arbeidsforholda dersom du har behov for det. Administrasjonsspråket i kommunen er nynorsk. Alle nytilsetjingar vert gjorde med ei prøvetid på seks månader. Me gjer merksam på at opplysningar om søkjaren kan verte offentleggjorde, sjølv om søkjaren har bede om unntak frå offentleg søkjarliste, jf. offentleglova § 25. Dersom du har bede om unntak, vil du bli varsla før søkjarlista vert offentleggjord.