Juridisk rådgjevar

Høgskulen på Vestlandet, Avdeling for utdanningskvalitet, har ledig to 100% vikariat som juridisk rådgjevar

Avdeling for utdanningskvalitet har ledig to vikariat som juridisk rådgjevar innan utdanningsområdet.

Stillingane vil vere knytt til Faggruppe for utdanningskvalitet, studieportefølje og analyse som er under prorektor for utdanning sitt ansvarsområde. Faggruppa har mellom anna ansvar for utvikling av systemet for arbeid med kvalitet i utdanningane, arbeid med studieportefølje og forvaltning av lov- og regelverk. Faggruppa er sekretariat for Utdanningsutvalet i HVL, Skikkavurderingsnemnda og Nemnd for studentsaker.

Vikariat 1 gjeld for perioden 01.01.2027 - 31.12.2027. Vikariat 2 ønskjer vi tilsetjing så snart som mogleg, med eitt års varigheit med moglegheit for forlenging.

Arbeidsstaden er på ein av høgskulen sine fem campusar: Bergen, Sogndal, Førde, Stord eller Haugesund

Ansvars- og arbeidsoppgåver

Arbeid med saker til  Nemnd for studentsaker ved HVL, som handsamar mellom anna klagesaker frå studentaneGje råd og vurderingar innan i sakshandsaming på fakultet og i studieadministrasjonDelta i utarbeiding og vidareutvikling av rutinar, retningslinjer, forskrifter og  implementering av desseDelta i kompetanseutvikling av sakshandsamararAndre oppgåver innan avdelinga sitt ansvarsområde kan bli lagt til stillinga

Kvalifikasjonskrav

Formell utdanning og kompetanse:

Til stillinga vert det stilt krav om juridisk embetseksamen/ master i rettsvitskap.Gode norsk- og engelskkunnskapar og god skriftleg og munnleg formidlingsevne er ein føresetnadGod digital kompetanse og erfaring med sak- og arkivsystem

Ønska kvalifikasjonar:

God kjennskap til universitets- og høgskulesektorenErfaring frå liknande arbeid i sektoren er ein fordelErfaring frå annan offentleg verksemd vil bli vektlagtEvne til å presentere kompleks informasjon på ein klar og forståeleg måte

Personlege eigenskapar:

Sjølvstendig, effektiv og strukturertServiceinnstilt, fleksibel og imøtekommandeGode samarbeids- og kommunikasjonsevnerFor særleg kvalifiserte søkjarar kan stillingskode seniorrådgjevar vurderast.

Vi tilbyr

Gode pensjons-, forsikrings-, og låneordningar i Statens pensjonskasseSpennande fagmiljø med moglegheit for kompetanseheving - og utviklingHøve for trening i arbeidstida

Stillinga som rådgjevar er løna etter Statens lønsregulativ, i stillingskode 1434 - rådgjevar.

For særleg kvalifiserte søkjarar kan stillingskode 1364 - seniorrådgjevar vurderast

Frå løna vil det bli trekt 2 % innskot til Statens pensjonskasse.

Korleis søke på stillinga?

Send søknad og CV ved å klikke på knappen merka ”Søk stilling” på denne sida.

Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad. Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.

Søknadar kan ikkje sendast på e-post til enkeltpersonar ved høgskulen.

Generell informasjon

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.

Arbeids- og opphaldsløyve i Norge er ein føresetnad for å tiltre stillinga.

Høgskulen på Vestlandet er underlagt eksportkontrollforskriften. Forskrifta kan komme til anvending i behandlinga av søknadane.

Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.

Kontaktperson ved Høgskulen på Vestlandet er

1) Avdelingsleiar Solfrid Kjoberg , tlf. +47 57 67 62 04

2) Fagansvarleg Bente Sønsthagen, tlf. +47 57 67 61 13

Inkludere, utfordre og samhandle

Om bedriften