Overlege i fysikalsk medisin og rehabilitering

Vi søkjer overlege i fysikalsk medisin og rehabilitering i 100% fast stilling ved Førde sentralsjukehus. Stillinga er utan vaktordning.
Oppstart etter avtale.

Vi tilbyr ei utviklande overlegestilling med gode moglegheit til å vere med og påverke dette allsidige og spanande fagfeltet si vekst og utvikling. Her er det mogleg å bidra både i sengepost, poliklinikk, gruppebasert behandling og opplæring. Seksjonen har tre overlegar og ein LIS. Ved smertepoliklinikken har vi overlege i anestesi etter avtale.

I poliklinikken har vi god tilgang på kompetente og erfarne fysioterapeutar, ergoterapeut, sosionom, og logoped ved behov. Helse Førde sin smertepoliklinikk er samlokalisert med FMR poliklinikk. I sengepost er det tett samarbeid i to tverrfaglege team med god dekning av alle relevante faggrupper, nevropsykolog etter tilvising. Sengeposten er samlokalisert med nevrologi og revmatologi i nytt sjukehusbygg med einerom for alle pasientar og god funksjonalitet. I vårt sjukehus opplever vi også at vegen til drøftingar og samarbeid med andre fagområder er kort.

Vi har eige VR-rom i poliklinikken og gode erfaringar med bruk av denne teknologien i pasientbehandling og ønskjer å utforske og utvikle dette feltet vidare. I avdelinga har vi siste åra hatt fleire innovative prosjekt, og er per i dag direkte og indirekte involvert i fleire PhD.

Hos oss vil du oppleve tett samarbeid / oppfølging, gode moglegheiter for fagleg utvikling og ein arbeidskvardag prega av samarbeid, læring og faglig interesse. Du blir del av eit sterkt tverrfaglig fagmiljø og får arbeide tett med erfarne terapeutar frå ulike faggruppe. Både i klinisk arbeid, utforming av nye metodar, bruk av ny teknologi, forsking og akademika har vi mykje å tilby. Det er gode sjansar for at nettopp du vil trivast godt hjå oss.

Arbeidsoppgaver og ansvar vert tilpasa di erfaring, kompetanse og faglege utvikling.

Nærområde til sjukehuset har mykje å tilby innan friluftsliv, idrett, kultur og andre opplevingar. Sunnfjord har eit rikt og variert næringsliv med gode arbeids og karieremoglegheiter.