Strategisk rådgiver SVS

Om stillinga I Vest politidistrikt ved Stab for for verksemdsstyring (SVS), er det ledig vikariat som strategisk rådgjevar SKO 1434 ved Seksjon for verksemdstyring, økonomi og juridisk funksjon. Vikariatet er ledig frå 1. januar 2027 og for ein periode på 1 år. Politimeisteren sin stab for verksemdstyring (SVS) har det utøvande ansvaret for politidistriktet si økonomi- og verksemdstyring, samt for strategi og organisasjonsutvikling. I tillegg har SVS blant anna ansvaret for sikkerheitsleiinga, politioperativt materiell, juridisk støtte og dokumentforvaltning. Seksjon for verksemdstyring, økonomi og juridisk funksjon har ansvar for den samla økonomi- og verksemdsstyringa i Vest politidistrikt. Stillinga som strategisk  rådgjevar vil hovudsakleg ha arbeidsoppgåver innan verksemdstyring, som å førebu og delta i arbeid med styringsdialog både med Politidirektoratet og eigne einingar, bistå avdelingsdirektør og seksjonsleiar økonomi og verksemdstyring innan fagområdet verksemdstyring, og til å vidareutvikle mål- og resultatstyringa i Vest politidistrikt. Seksjonen har medarbeidarar i Bergen og Florø. Stillinga som strategisk rådgjevar er stadsplassert i Bergen, for tida med kontorstad i Bergen sentrum. Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng. Dette ser vi etter hos ein ny medarbeidar Du trivst i eit miljø der både strategisk forståing og heilskapsblikk er nødvendig for å lukkast. Du er analytisk, strukturert og trygg i vurderingane dine, samstundes som du har gode samarbeidsevner og kommuniserer tydeleg med ulike fagmiljø. Vi stiller høge krav til fagleg kompetanse, motivasjon, arbeidsmoral og etisk integritet. Vidare søkjer vi medarbeidarar som opptrer profesjonelt til ei kvar tid og fungerer som gode ambassadørar for politiet gjennom haldningane og handlingane sine i det daglege arbeidet. Evna til å vere trygg, nærverande, lydhøyr og å byggje tillit hos publikum, er avgjerande for suksess i organisasjonen vår. I vår vurdering av kandidatar er mellom anna dette noko vi vil leggje vekt på i tillegg til evna til å bidra til eit inkluderande og respektfullt arbeidsmiljø. Arbeidsoppgåver Bidra med prosesskunnskap, struktur og anbefalinger på den overordnede styringen av politidistriktetPlanleggje, gjennomføre og følgje opp lokale og sentrale styringsdialogprosessar Rapportere i tråd med rapporteringskravFølgje opp rapporteringskrav Bidra med gode prosesser og struktur til pågående endringsprosjekterBidra med planlegging til fremtidige endringsprosjekter Forvalte distriktets strategiske utviklingsportefølje Utarbeide interne rutinar og prosessar knytt virksomhetsstyring Bistå i førebuing, gjennomføringa og oppfylging av politimeisteren sine leiarmøterUtføre oppgåver innan verksemdsstyring og bidra til vidareutviklinga av fagområdetAndre oppgåver pålagt av overordna  Kvalifikasjonar Dette må du ha for å vere kvalifisert: Relevant mastergrad, eller relevant bachelorgrad kombinert med relevant arbeidserfaringRelevant arbeidserfaring blir vektlagtGod munnleg og skriftleg framføringGod brukarkompetanse innan IKT og systemDet er også ønskjeleg med: Erfaring frå verksemdstyring og/eller målstyring blir vektlagtErfaring frå bruk av styringsverktøy knytt til måloppnåing er ein fordelErfaring frå endringsprosesser i store verksemderErfaring frå prosjektledelse Erfaring med risikoanalyse i større virksomheter     Du må ha plettfri vandel og vere skikka for teneste for å kunne bli tilsett i politiet. Uttømmande og utvida politiattest skal hentast inn og leggjast fram før ei eventuell tilsetjing. Ved å søkje på ei stilling i politiet samtykkjer ein til at det vert gjort ei skikkaheitsvurdering, inkludert søk i register, i forkant av eit eventuelt intervju. Personlege eigenskapar Vi ser etter deg som: er analytisk og strategisk, og forstår samanhengar mellom aktivitet, organisering og resultatkan arbeide sjølvstendig og saman med andre i teamhar gode formidlingsevner og evne til tydeleg kommunikasjonhar gode evner for gjennomføring og legge til rette for gode avgjersleprosessarhar gode sosiale evner som fremjar trivsel og eit godt arbeidsmiljøSom medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her. Dette kan vi tilby om du vel oss Ein utfordrande og spennande arbeidsplass for deg som vil vere med å forme politiet for framtidaStillinga blir lønna som rådgjevar (stillingskode 1434)  frå 750 000,- brutto pr.år . Vidare lønnsutvikling vil skje i henhold til hovudtariffavtalane i staten. Medlemskap i Statens pensjonskasse, med mellom anna gode pensjons- og forsikringsordningar (www.spk.no)Gode arbeidsvilkår (t.d. fleksibel arbeidstid, sommartid, trening i arbeidstida o.l.)Mangfald i politiet Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju. Les meir om positiv særbehandling når ein søkjer jobb i staten her. Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.Video: https://www.youtube.com/watch?v=uUTjHmSB_Wc Slik søkjer du Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju. Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.