Fysioterapeut

Kronstad distriktspsykiatriske senter (DPS) er sentralt plassert på Danmarks plass og har ansvar for bydelane Bergenhus, Årstad og Ytrebygda. Seksjon for gruppebehandling søker fysioterapeut med relevant kompetanse og erfaring, og med særleg interesse for treningsterapi som behandling ved psykiske lidingar. Gruppeseksjonen er ein spennande arbeidsplass og eit inspirerande behandlingsmiljø med 20 høgt kvalifiserte medarbeidarar. Vi har eit breitt og mangfaldig behandlingstilbod og ønsker å tilby behandling som svarar til behova både i klinikken og hos pasientane gjennom differensierte behandlingstilbod. Seksjonen tilbyr poliklinisk gruppebehandling med ei integrativ behandlingstilnærming. Pasientgruppa er samansett, med hovudvekt på personlegdomsforstyrringar, angst, depresjon og livskriser. Vi tilbyr korttidsgrupper (om lag 16 veker) for pasientar med angst- og depresjonsproblematikk og relasjonelle vanskar. Vidare tilbyr vi mentaliseringsbasert behandling for pasientar med emosjonelt ustabil personlegdomsforstyrring. Vi har òg behandlingsprogram for pasientar med engsteleg/ unnvikande personlegdomsforstyrring. HIT – høgintensiv trening som terapi er ein del av korttidstilbodet ved gruppeseksjonen. Tilbodet består av rettleiia, strukturert, regelmessig og høgintensiv trening som behandling ved psykiske lidingar. Pasientane deltek i behandlingsopplegget tre dagar i veka, og det blir gjennomført systematiske målingar av treningsintensitet, mellom anna laktatmålingar. HIT er organisert som eit eige tverrfagleg fagteam, og treninga går føre seg i eit eige treningsrom ved Kronstad DPS. Treningsrommet kan òg nyttast av tilsette når det ikkje er i bruk til behandling. Fysioterapigruppen (som no blir 3 faste fysioterapeuter + turnus) held til ved seksjon gruppebehandling, men har samtidig eit ansvar for å bistå pasientar på andre seksjonar dersom man ser eit tydeleg behov for spesialisthelsetenesteressursar opp mot pasientens vanskar. Det er derfor knytta forventingar til at personen som blir tilsett er positiv til å bistå utover eigen seksjon dersom det vurderast behov for dette. HIT-behandlinga er forankra i pågåande forsking, og seksjonen arbeider systematisk med å utvikle kunnskap om effekten av høgintensiv trening som behandling ved psykiske lidingar. Arbeidsoppgåver Arbeidsoppgåvene er i hovudsak knytt til HIT-behandlinga. I denne behandlinga blir det forventa at fysioterapeuten deltar i alle fasar av behandlingsforløpet. Dette inneber gjennomføring av vurderingssamtalar i forkant, rettleiing og oppfølging i behandlingsfasen, samt individuelle samtalar i avslutningsfasen. HIT-behandlinga er eit strukturert behandlingsopplegg med gruppebasert trening over 14 veker. Deltakarane trenar vanlegvis 2 til 4 gonger i veka, med høgintensive intervalløkter og styrketrening tilpassa individuelle behov. Pasientane får tett oppfølging gjennom samtalar før, under og etter behandlingsperioden.  Som medarbeidar i HIT-teamet blir du del av eit tverrfagleg miljø som arbeider målretta for å sikre pasientane best mogleg behandlingsutbytte. Kvalifikasjonar Norsk autorisasjon som fysioterapeutErfaring med strukturert treningsterapiKompetanse innan, eller erfaring med, trening som behandling ved psykiske lidingarErfaring med gruppebehandling, gruppeleiing og motiverande arbeid er ønskelegRelevant vidareutdanning er ønskeleg. Omfattande relevant erfaring kan kompensere for manglande vidareutdanningPersonlege eigenskapar Gode samarbeidsevner og evne til å bidra positivt i eit tverrfagleg arbeidsmiljøEvne til å arbeide sjølvstendig og strukturertEngasjement for pasientgruppa og behandlingsformaFleksibel og løysingsorientertGod formidlingsevne, både munnleg og skriftlegInteresse for fagutvikling og kvalitetsforbetringPersonleg eignaheit for arbeid med pasientgruppa er ein føresetnadVi tilbyr Arbeid i eit høgt kvalifisert fagmiljø med fleire psykologspesialistar, psykolog, psykiatriske sjukepleiarar, spesialiserte fysioterapeutar og ergoterapeut, sosionom, erfaringskonsulent, IPS konsulent m.m.Tverrfagleg teamarbeid som i praksis fungerer veldig braEit miljø med høg kompetanse innan gruppeterapeutiske behandlingsmetodarEngasjerte og fagleg sterke medarbeidararEit godt arbeidsmiljø og utfordrande arbeidsoppgåver i ein spesiell og spennande seksjonOpplæring blir gitt etter behov Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse. Kontaktinformasjon Astrid Wathne Matthiessen, Fysioterapeut, [phone], astrid.wathne.matthiessen@helse-bergen.noEirik Hjermann, Seksjonsleiar/Psykologspesialistt, [phone], eirik.hjermann@helse-bergen.no Arbeidsstad Fjøsangerveien 365053 Bergen Nøkkelinformasjon Arbeidsgivar: Helse Bergen HFReferansenr.: [phone]Stillingsprosent: 100%FastSøknadsfrist: 20.09.2026