Aktivitetsansvarlig

Hotel Union Øye er eit av Skandinavias mest særprega historiske hotell. Sidan opninga i 1891 har hotellet ønska fjellklatrarar, eventyrarar, kongelege, kunstnarar og reisande frå heile verda velkomne til Øye og Sunnmørsalpane. Som stolt medlem av Relais & Châteaux og ein del av 62°NORD ønskjer vi å skape opplevingar som gjestane tek med seg lenge etter at dei har reist heim -- gjennom personleg vertskap, høg kvalitet og dei små detaljane som gjer ein forskjell. No søker vi ein Activity Manager som vil ta ansvar for aktivitetsområdet vårt og hjelpe gjestane våre med å oppdage det beste Øye og Sunnmøre har å by på. Om rolla Dette er ei unik stilling for deg som ønsker å kombinere aktivitetsturisme, leiarskap, hotell og gjesteservice. Som Activity Manager har du hovudansvaret for aktivitetskontoret ved Hotel Union Øye og er bindeleddet mellom hotellet, gjestane våre og våre aktivitetsleverandørar. Ein arbeidsdag kan starte med å hjelpe ein gjest med å finne den rette fjellturen, halde fram med utleige av elsyklar eller kajakkar, og ende med koordinering av morgondagens opplevingar med guidar, båtførarar, sjåførar eller andre lokale samarbeidspartnarar. Du har tett kontakt med gjestane, set saman og koordinerer aktivitetsprogram og sørger for at opplevingane blir gjennomførte på ein trygg, profesjonell og personleg måte. Aktivitetskontoret har også ein mindre butikk med klede frå Devold og eit utval klede og utstyr til friluftsliv. Du får stor moglegheit til å påverke og utvikle aktivitetsområdet ut frå eigen kompetanse, interesser og erfaring. God lokalkunnskap og forståing for naturen, fjella og opplevingane rundt Øye er derfor svært viktig. Som Activity Manager er du også ein del av leiargruppa ved Hotel Union Øye og deltek i hotellet si Duty Manager-ordning. Dine viktigaste ansvarsområder Ha det overordna ansvaret for aktivitetskontoret og den daglege drifta av aktivitetsområdetGi gjestane personlege råd og anbefalingar om turar, aktivitetar og opplevingarPlanlegge, reservere og koordinere aktivitetsprogram for individuelle gjestar og grupperHa tett dialog og samarbeid med guidar, aktivitetsleverandørar og andre lokale samarbeidspartnararUtvikle, beskrive, kalkulere og prise aktivitetsproduktHa ansvar for utleige og oppfølging av kajakkar, elsyklar, køyretøy og anna aktivitetsutstyrSikre at utstyr og aktivitetsområde er organiserte, trygge og klare til brukSal og gjesteservice i Activity ShopBidra ved teambuilding, grupper og større arrangementDelta i hotellet si Duty Manager-ordningVere ein aktiv del av vertskapet og bidra i den daglege drifta på hotellet der det er behovKven ser vi etter? Vi ser etter deg som trivst like godt med menneske som ute i naturen. Du tek initiativ, ser kva som må gjerast og møter gjestane med eit genuint ønske om å skape ei god oppleving. Du er trygg i kommunikasjonen med ulike typar menneske og evnar å forstå kva den enkelte gjesten ser etter -- og finne opplevinga som passar. Du må trivast med ein variert arbeidskvardag. I høgsesongen kan tempoet vere høgt og planane endre seg raskt, medan dei rolegare periodane gir rom for planlegging, produktutvikling og førebuing til neste sesong. Vi ser etter ein person som forstår både kommersiell aktivitetsturisme og hotell- og servicenæringa, og som ønsker å vere med på å vidareutvikle aktivitetstilbodet vårt. Kvalifikasjonar Vi ser gjerne at du: Har bachelorutdanning innan naturguiding, friluftsliv eller tilsvarande utdanning og/eller relevant erfaringHar relevant erfaring, kurs eller sertifiseringar innan friluftsliv og førstehjelpHar god kunnskap om og interesse for fjellturar, sykling og andre naturbaserte aktivitetarGjerne er godt kjend på Sunnmøre og i området rundt Hotel Union ØyeHar forståing for kommersiell guiding og aktivitetsturismeHar førarkort klasse BKommuniserer godt på engelskGjerne snakkar norsk eller eit anna skandinavisk språkEr sjølvstendig, strukturert, løysingsorientert og trygg på å ta ansvarOm stillinga Dette er eit vikariat i 100 % stilling fram til sommaren 2027, med vidare behov for rolla gjennom høgsesongen 2027 og fram til september. Vi ønsker oppstart så snart som mogleg og seinast 1. desember 2026, med endeleg oppstartsdato etter avtale. Stillinga gir deg moglegheita til å bli ein del av Hotel Union Øye gjennom både vinter- og sommarsesongen -- og oppleve korleis naturen, aktivitetane og gjesteopplevingane på Øye endrar seg gjennom året. Kva kan vi tilby? Ein arbeidsplass litt utanom det vanlege, midt mellom fjord og fjell i Sunnmørsalpane. Hos oss får du kombinere natur, aktivitetar, leiarskap og hotell i ei rolle med stor variasjon og mykje ansvar. Du blir ein del av eit engasjert team som jobbar tett saman for å skape opplevingar gjestane våre skal hugse lenge. Du får samtidig moglegheit til å påverke og vidareutvikle aktivitetstilbodet ved Hotel Union Øye og sette ditt eige preg på ei viktig del av gjesteopplevinga. Høyrest dette ut som noko for deg? Då vil vi gjerne høyre frå deg. For meir informasjon om stillinga, kontakt Head of Adventures Helge Karbø på +47 417 58 796 eller Hotelldirektør Mariann Øye på +47 977 43 455. Om bedriften Sektor Privat Nettsted https://www.unionoye.no/