Kommunepsykolog for barn og unge

Om avdelinga: Familiehjelpa er eit lågterskeltilbod for barn, unge og familiar som opplever psykiske eller relasjonelle utfordringar. Tenesta arbeider førebyggjande og behandlande, og legg vekt på tidleg innsats og tilgjengeleg hjelp. Familiehjelpa samarbeider tett med helsestasjon, barnehage, skule og andre kommunale tenester for å gi heilskapleg oppfølging til barn, unge og føresette. Hos oss vil du bli del av eit tverrfagleg fagmiljø med engasjerte og kompetente kollegaer som arbeider saman for å styrke psykisk helse hos barn og unge i kommunen. Som kommunepsykolog i Familiehjelpa vert du ein del av eit psykologfellesskap med til saman fire psykologar. Psykologane arbeider tett saman med resten av eininga i det førebyggjande arbeidet retta mot barn og unge i Øygarden. Arbeidsoppgåver: Samtalar og behandling av barn og unge med lette til moderate psykiske vanskarRettleiing og oppfølging av føresette og familiarPlanlegging og gjennomføring av gruppetilbod for barn, unge eller føresetteKonsultasjonstid på helsestasjonTverrfagleg samarbeid med skule, barnehage, helsestasjon og andre relevante tenester.Rettleiing av tilsette frå eigen og andre kommunale tenester Kvalifikasjonar Må ha Norsk psykologautorisasjon Ønskjeleg med: Erfaring frå arbeid med barn og unge og frå tverrfagleg samarbeidErfaring frå arbeid i kommunehelsetenestaErfaring med grupperErfaring med rettleiing av andre faggrupperPsykologspesialistEigenskapar: Gode samarbeidsevner og interesse for tverrfagleg arbeid Evne til å arbeide sjølvstendig og strukturert Engasjement for førebyggjande arbeid og tidleg innsats Personleg eignaheit vil bli vektlagt Anna: Stillinga er 100% fast Vi tilbyr Gode pensjons- og forsikringsordningarMotiverte og kunnskapsrike kollegaerInteressante utfordringarHøve til fagleg og personleg utviklingKontaktperson: Einingsleiar Annette Henden mobil [phone] Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det. Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.Link til søknadsskjema: Søk her