Avdelingsleiar Villatoppen avlastningsbustad - 100% fast stilling

Vil du leie ei viktig teneste for barn og unge? Villatoppen avlastingsbustad yt tenester til barn og unge med funksjonsvariasjonar og behov for tilrettelagt omsorg og oppfølging. Eining Barn og familie er ei av 21 einingar i sektor oppvekst i Kvinnherad kommune. Eininga samlar dei fleste hjelpetenestene for barn, unge og familiar i kommunen, og omfattar barnevern, helsestasjon, PPT, familiestøtte, avlastning og butiltak for barn og unge, samt tverrsektorielt psykologteam.  No søkjer vi ein engasjert og tydeleg avdelingsleiar til Villatoppen avlastingsbustad.  Hos oss får du ei sentral leiarrolle med ansvar for drift, fagutvikling og personaloppfølging, samtidig som du bidreg til å sikre gode og trygge tenester for barn og unge med ulike funksjonsvariasjonar, ressursar og behov.  Om stillinga  Som avdelingsleiar har du det overordna ansvaret for den daglege drifta av Villatoppen avlastingsbustad. Du skal sikre at tenestene held høg fagleg kvalitet, leggje til rette for eit godt arbeidsmiljø og bidra til god samhandling med familiar og samarbeidspartnarar.  Du vil ha personal-, økonomi- og fagansvar for avdelinga, og vere ein tilgjengeleg leiar med fokus på rettleiing, utvikling og kvalitet i tenestene.   Stillinga inneber også ansvar for oppfølging av alle barn i kommunen med vedtak etter helse- og omsorgstenestelova, samt samarbeid med føresette og aktuelle samarbeidsinstansar.  Noko ettermiddags- og helgearbeid må påreknast.  Kvifor velje oss?  Hos oss får du ein meiningsfull jobb der du kvar dag bidreg til å skape gode liv for barn og unge. Du vert del av eit tverrfagleg og støttande fagmiljø med høg kompetanse og stort engasjement.  Vi legg vekt på fagleg utvikling, gode samarbeidsrelasjonar og ein kultur der vi støttar, utfordrar og heiar på kvarandre.  Arbeidsoppgåver  Personal-, økonomi- og fagansvar for avdelinga  Ansvar for turnus   Planlegging, koordinering og dagleg drift,   Internkontroll, kvalitetsarbeid og fagutvikling  Sikre kvalitet i dokumentasjon og rapportering  Rettleiing og oppfølging av medarbeidarar  Utvikle og styrkje tverrfagleg samarbeid  Samarbeid med familiar og aktuelle samarbeidspartnarar  Delta i praktisk bistand, pleie og omsorg ved behov  Arbeidsoppgåvene kan verte endra i takt med utviklinga av tenesta.  Kvalifikasjonar  Vi søkjer deg som har relevant høgare utdanning innan helse-, sosial- eller pedagogiske fag.  Søkjarar med annan relevant utdanning kan også verte vurderte.  Det er ønskjeleg at du har:  Vidareutdanning innan leiing, administrasjon eller rettleiing  Erfaring frå leiing og personaloppfølging  Kjennskap til offentleg forvaltning  Erfaring frå arbeid med barn og unge med funksjonsvariasjonar  Førarkort klasse B  Kven er du?  Vi ser etter ein leiar som er trygg, tydeleg og relasjonssterk. Du trivst med ansvar, evnar å skape tillit og har eit ekte engasjement for menneska rundt deg.  Vi ønskjer at du:  er imøtekommande og god til å byggje relasjonar  har gode samarbeids- og kommunikasjonsevner  er trygg i møte med utfordrande situasjonar  arbeider strukturert og målretta  er løysingsorientert og handlekraftig  evnar å motivere og utvikle medarbeidarar  bidreg positivt til arbeidsmiljøet  har god norsk munnleg og skriftleg framstillingsevne  har gode digitale ferdigheiter  Personlege eigenskapar vil verte tillagt stor vekt.  Vi tilbyr  Ei spennande leiarstilling med stor påverknadskraft  Meiningsfulle og varierte arbeidsoppgåver  Eit sterkt fagleg miljø og gode utviklingsmoglegheiter  Rettleiing, støtte og kompetanseheving  Tilsetjing etter gjeldande lov- og avtaleverk  Gode pensjons- og forsikringsordningar gjennom KLP  Dekning av flytteutgifter etter nærare reglar  Moglegheit for sletting av delar av studielån etter gjeldande ordningar  Gratis SFO og søskenmoderasjon i barnehage  Ingen eigedomsskatt i Kvinnherad kommune per i dag  Anna informasjon  Det må leggjast fram gyldig politiattest før tiltreding. Kravet er heimla i helse- og omsorgstenestelova § 5-4.  Vil du vere med og vidareutvikle eit viktig tenestetilbod for barn og unge i Kvinnherad? Då håpar vi du søkjer!  Link til søknadsskjema: Søk her