Prosjektstilling Familiestøtta

Gloppen kommune har fått prosjektmidlar frå Bufdir gjennom ordninga Kommunalt forebyggingsprogram for barn og unge, og har ledig engasjement i 100 % stilling for miljøterapeut/helsesjukepleiar/familieterapeut frå 01.10.2026 til 31.12.2027. Stillinga er knytt til Familiehuset der helsestasjon og skulehelseteneste, barnevernsteneste, psykisk helseteneste, PPT og fysio- og ergoterapiteneste er samlokalisert og samorganisert. Tenestene i Familiehuset tilbyr ulike tenester til barn, unge og foreldre gjennom lågterskeltilbodet Familiestøtta. Vi ynskjer at vår nye medarbeidar skal vere med og vidareutvikle og styrke dette tilbodet. Noverande tilbod i Familiestøtta er mellom anna foreldrerettleiing individuelt og i gruppe etter metodane COS, ICDP og PMTO, psykologisk førstehjelp, støttesamtalar, kognitiv terapi og oppfølging av ungdomslos. Vi ynskjer å bygge ut kompetansen vår på evidensbaserte metodar, som kognitiv åtferdsterapi og Cool Kids, og tilby behandling individuelt og i gruppe til barn og unge med lette til moderate psykiske helseplager. Dette ynskjer vi å støtte opp under gjennom foreldrerettleiing, i tråd med føringane i Helsedirektoratet sin rettleiar for psykisk helsearbeid for barn og unge. Vi ynskjer også å utvikle eit tilbod til barn og ungdoms med vanskar i autismespekteret og deira foreldre og søsken. No ser vi etter ein fagperson som har relevant kompetanse og erfaring som er motivert til å vere med og utvikle tilbodet i Familiestøtta. Arbeidsoppgåver Utvikle tilbodet i Familiestøtta i lag med teamet der og leiargruppa i Familiehuset Følgje opp barn, ungdom, foreldre og søsken gjennom individuelle tiltak og gruppetilbodKvalifikasjonar 3-årig helse- og sosialfagleg utdanning  med relevant vidareutdanning som til dømes helsesjukepleiar, familieterapeut, kognitiv terapi, eller anna relevant vidareutdanningKompetanse på relevante, evidensbaserte metodar, t.d COS, ICDP, ART, Marte Meo og Cool KidsKompetanse om psykisk helse slik at du kan utvikle tiltak med grunnlag i faglege vurderingar Personlege eigenskapar Evne til å jobbe sjølvstendig og i team Kompetanse på samtalar med barn, ungdom og vaksne Høg arbeidskapasitet og evne til å stå i utfordringar over tid God skriftleg og munnleg framstillingsevne Vi tilbyr Tilsetting, lønn og arbeidsvilkår i samsvar med gjeldande lovverk, reglement og tariffavtale. Fleksibel areidstidsordning Utfordrande og meininggsfylte arbeidsoppgåver i eit kompetent fagmiljø For tilsetting gjeld ei prøvetid på seks månadar Det må leverast tilfredsstillande politiattest før tiltreding. Kontaktinformasjon Arbeidsstad Nøkkelinformasjon Om bedriften Gloppen kommune, med Sandane som kommunesenter, har om lag 5.800 innbyggjarar og er ein del av Nordfjord sin felles bu- og arbeidsmarknad på 40 – 50.000 menneske. Flyplassen i Nordfjord - Sandane lufthamn - ligg i Gloppen, og vi har gode kommunikasjonar til resten av fylket og landet. Kommunen har eit stort og aktivt miljø innan musikk, idrett og kultur, og kommunen har vore kåra som både årets kulturkommune og årets musikkommune. Vi har flott natur og det er godt tilrettelagt for friluftsliv sommar som vinter. Vi har symjehall, idrettshall, kino og konsertsal. Fine forhold for stisykling. Her er alpinsenter og fleire langrennsløyper. Gloppen har gode barnehagar og skular, og gode offentlege tenester. Kommunen har i tillegg til grunnskule og kulturskule også folkehøgskule og vidaregåande skule. Næringslivet i kommunen er variert og prega av optimisme. Sektor Offentlig Nettsted http://www.gloppen.kommune.no/