Verksemdsrådgjevar

Hjartdal kommune ligg i Aust-Telemark med grense til kommunane Notodden, Tinn og Seljord. Kommunen har ca. 1630 innbyggarar. Helse og omsorg er eit sentralt kommunalområde med ansvar for tenester til innbyggjarar i ulike livsfasar og med ulike behov. Tenestene omfattar mellom anna omsorgssenter, heimetenester, praktisk bistand, tenester til personar med nedsett funksjonsevne, bustad- og tenestekontor, legekontor, psykisk helse, fysioterapi og fleire interkommunale samarbeid. Kommunalområdet er organisert med kommunalsjef, einingsleiarar og fagleiarar, og har eit tett samarbeid mellom drift, fag, administrasjon og utviklingsarbeid. Helse- og omsorgstenestene står framfor store endringar knytt til demografi, rekruttering, kompetanse, økonomi og auka behov for digitalisering og nye arbeidsformer. Helse- og meistringsplanen er eit viktig styringsverktøy for å utvikle berekraftige tenester for framtida, med vekt på førebygging, meistring, rett hjelp på rett nivå, god ressursstyring, velferdsteknologi og tenester som i større grad støttar innbyggjarane i å bu trygt og meistre eige liv. Stillinga som rådgjevar/koordinator skal bidra til å omsette desse måla til praktisk drift og konkrete forbetringar i kvardagen. Vi søkjer deg som er strukturert, løysingsorientert og utviklingsretta, og som ønskjer å vere ei viktig støtte for einingsleiar og fagleiarar. Du vil få ei sentral rolle i planlegging, koordinering, implementering og oppfølging av oppgåver innan drift, turnus, logistikk, ressursstyring, digital utvikling og leiarstøtte. Einingsleiar vil vere din næraste leiar. Arbeidsoppgåver · Ha ansvar for turnusarbeid og ressursstyring i samarbeid med einingsleiar, fagleiarar, tillitsvalde og verneombod · Arbeide aktivt med logistikk, bemanningsplanlegging og god utnytting av kompetanse og personellressursar · Vere systemansvarleg/superbrukar for sektorens ressursstyringssystem GAT · Bidra i implementering av nye rutinar, digitale løysingar og arbeidsprosessar i helse og omsorg · Vere digital støtte og pådrivar for god bruk av relevante fagsystem og digitale verktøy · Støtte einingsleiar i oppfølging av leiaroppgåver, rapportering, strukturering og koordinering av drift · Bidra til god informasjonsflyt mellom einingsleiar, fagleiarar, tilsette og samarbeidspartnarar · Leie eller delta i arbeidsgrupper, prosjekt og utviklingsarbeid i sektoren · Bidra i arbeid med retningsliner, rutinar, personalmeldingar og kvalitetsforbetring · Koordinere innleige ved fråvær og bidra til forsvarleg bemanning i tenestene · Bistå med fakturabehandling, innkjøp, økonomioppfølging og andre administrative oppgåver etter behov · Vere hovudkoordinator for NAV hjelpemiddel Kvalifikasjonar · Relevant utdanning og/eller erfaring frå helse- og omsorgssektoren, administrasjon, logistikk, turnusarbeid eller ressursstyring · God forståing for turnusplanlegging, bemanningslogistikk og drift i døgnbaserte tenester · Erfaring med GAT eller tilsvarande ressursstyringssystem er ein føresetnad · God digital kompetanse og evne til å ta i bruk, lære bort og vidareutvikle digitale arbeidsverktøy · God munnleg og skriftleg framstillingsevne · Kjennskap til kommunal helse- og omsorgsteneste er ein fordel   Personlege eigenskapar · Du arbeider strukturert, sjølvstendig og heilskapleg · Du har gode samarbeidsevner og evne til å skape tillit i møte med leiarar, tilsette, tillitsvalde og samarbeidspartnarar · Du kommuniserer tydeleg, ryddig og respektfullt · Du trivst med endringsarbeid og klarer å motivere andre i utviklingsprosessar · Du er fleksibel, løysingsorientert og har god gjennomføringsevne · Du har god rolleforståing og evne til å støtte leiar utan å miste blikket for heilskapen i tenestene Vi tilbyr · Ein variert og meiningsfull arbeidskvardag i helse og omsorg · Ei sentral rolle i utvikling, koordinering og støtte til leiing av sektoren · Eit inkluderande arbeidsmiljø med engasjerte og kompetente medarbeidarar · Moglegheit til å påverke arbeidsprosessar, digital utvikling og organisering av tenestene · Tilsetting på kommunale vilkår, med løn etter avtale og gjeldande regelverk  Ved tilsetting må det leggjast fram gyldig politiattest. Personlege eigenskapar vil bli tillagt stor vekt.Link til søknadsskjema: Søk her