Ergoterapeut

Ergoterapeut – 100 % fast stilling I fysio- og ergoterapitenesta har vi ledig ei 100 % fast stilling som ergoterapeut. Vi ser etter ein engasjert, fagleg nysgjerrig og lærevillig ergoterapeut som ønskjer å bidra til gode tenester for innbyggjarane våre. Vi søkjer deg som har kompetanse og interesse for helsefremjande, førebyggjande og rehabiliterande arbeid. Hos oss får du ein variert arbeidskvardag, med høve til å arbeide både sjølvstendig og i tett samarbeid med andre faggrupper og tenester. Vi legg vekt på fagleg utvikling, samarbeid og å finne gode og praktiske løysingar saman med innbyggjaren. Fysio- og ergoterapitenesta består i dag av fem fysioterapeutar, to ergoterapeutar og avdelingsleiar. Vi er samlokaliserte i Kompetanseparken i Brattvåg og har eit breitt og variert fagområde. Som ergoterapeut vil du få ei viktig rolle i tenesta og i det tverrfaglege samarbeidet rundt innbyggjarane. Tenesta er ein del av kommunalområdet Livsløp, der fleire fagområde og tenester arbeider saman for å gi gode og heilskaplege tenester gjennom ulike fasar av livet. Livsløp omfattar mellom anna psykisk helse og rus, helsestasjonstenester, pedagogisk fagsenter, ressursbase, integrering, barnevern, NAV og lege-, fysio- og ergoterapitenester. I Haram kommune er vi opptekne av å utvikle gode, heilskaplege og framtidsretta tenester. Vi skal spele kvarandre gode, dele kompetanse og samarbeide på tvers av fagområde og tenester. Slik ønskjer vi å skape robuste tenester som møter behova til innbyggjarane våre. Som ergoterapeut hos oss blir du ein del av eit fagmiljø der samarbeid, utvikling og heilskapleg tenking står sentralt. Vi håper du har lyst til å bli ein del av laget vårt! Arbeidsoppgåver Kartlegging, vurdering og oppfølging av tenestemottakarar i alle aldrar Tilrettelegging for aktivitet, meistring og sjølvstende i kvardagen Oppfølging av tenestemottakarar i habiliterings- og rehabiliteringsforløp Vurdering, tilpassing og formidling av hjelpemiddel Bustad- og omgjevnadstilrettelegging Rettleiing, undervisning og informasjon til tenestemottakarar, pårørande og samarbeidspartnarar Tverrfagleg samarbeid med andre faggrupper og tenester, både internt og eksternt Oppfølging av oppgåver knytt til syn og høyrsel Koordinering av tenester og arbeid med individuell plan Bidra til fagutvikling, førebyggjande arbeid og utvikling av ergoterapitenesta Arbeidsoppgåvene kan variere og vil kunne bli endra i takt med behov og utvikling av tenesta Kvalifikasjonar Norsk autorisasjon som ergoterapeut Relevant erfaring frå ergoterapifaget, gjerne frå kommunale helse- og omsorgstenester, med erfaring frå kartlegging, oppfølging og tilrettelegging for å fremje aktivitet, deltaking og meistring hos menneske med ulike funksjons- og aktivitetsbehov. Erfaring med vurdering og tilpassing av hjelpemiddel og tilrettelegging av bustad og heimemiljø ut frå den enkelte sine behov. Det er ønskjeleg med erfaring frå arbeid med tenestemottakarar i alle aldrar, særleg barn og unge i alderen 0–18 år Interesse for tverrfagleg samarbeid og arbeid med habilitering, rehabilitering, førebygging og kvardagsmeistring Gode digitale ferdigheiter og evne til å ta i bruk nye digitale verktøy Førarkort klasse B God munnleg og skriftleg framstillingsevne Krav om norske språkferdigheiter tilsvarande B2, både munnleg og skriftleg, etter Europarådet sin nivåskala (CEFR) Personlege eigenskapar Brukarorientert Nyskapande, løysingsorientert og framtidsretta Trygg og sjølvstendig i eiga fagutøving  Påliteleg  Har stor arbeidskapasitet  Har gode kommunikasjons- og samarbeidsevner Bidreg aktivt i å skape og ivareta eit godt arbeidsmiljø Personlege eigenskapar vert vektlagt Vi tilbyr Ei støttande arbeidsgruppe med godt samhald, som gir gode føresetnader for fagleg vekst  Moglegheit for tett samarbeid med andre yrkesgrupper Moglegheit til å ta del i viktig endringsarbeid  Stor breidde i brukargrupper og arbeidsoppgåver  Tilgang til tenestebil Gratis parkering Moglegheit for vidareutdanning Løn etter tariff Kontaktinformasjon Vivian.Maridal@haram.kommune.no Elly.christine.Volsdal.Slettvoll@haram.kommune.no Arbeidsstad Nøkkelinformasjon Om bedriften Haram kommune har om lag 9400 innbyggarar. Haram er ein av fylket sine fremste industrikommunar, og med stolte skipsbyggartradisjonar er Haram ein viktig del av den maritime klynga på Sunnmøre. Heile 47 prosent av arbeidsplassane i kommunen er i industrien. I tillegg har Haram viktige framtidsretta arbeidsplassar i den marine næringsmiddelindustrien. Fiskeri er også ei viktig næring i kommunen. Haram har eit rikt idretts- og kulturliv, med stor aktivitet innan kor, korps, teater og ungdomsarbeid. Fjord, fjell og nydeleg natur rett utanfor stovedøra gir også svært mange moglegheiter for ulike typar friluftsliv overalt i kommunen. Bur du i Haram kommune og er i jobb, kan du etter eitt år få sletta 25 000 kroner av studielånet ditt per år. Les meir om ordninga her: Sletting av gjeld i utvalgte kommuner Haram kommune ligg lett tilgjengeleg på Sunnmøre, 40 minutts køyretur frå Ålesund sentrum, 35 minutt frå Moa-området og 45 minutt frå Ålesund Lufthavn, Vigra. Kommunesenteret finn du i Brattvåg, men kommunen har og fleire andre tettstadar; Vatne/Tennfjord, Søvik og Austnes. Nettsted http://www.haram.kommune.no/